1947, ஆகஸ்டு 16 -காலப்பொருத்தமில்லாத சினிமா

 


ஆங்கிலேயர்களுக்கு எதிராகப் பேசுவது, பாடுவது, கவிதை எழுதுவது விடுதலைப் போராட்ட காலத்துத்தேவைகள். ஆங்கிலேய அதிகாரிகளையும் அவர்களுக்கு அடிபணிந்து நின்று இந்தியர்களை அடிமைகளாக நடத்த உதவிய ஜமீன்தார்களையும் காவல்துறையினரையும் இந்திய விரோதிகளாகக் காட்டி நாடகங்கள் செய்தவர்கள் அப்போது தேசப்பற்றுக் கலைஞர்கள்.
விடுதலை அடைந்து 75 ஆண்டுகளுக்குப் பின்னால் ஆங்கிலேய அரசாங்கமும் அதிகாரிகளும் எவ்வளவு குரூரமாக - வன்முறையாக நடந்துகொண்டார்கள் என்று சினிமா எடுப்பது இப்போது தேசப்பற்றில் வராது. உலகமயச் சூழலில் அதே ஐரோப்பிய நாடுகளோடும் அவர்களின் வாரிசுகளான அமெரிக்காவோடும் வணிக ஒப்பந்தங்கள் செய்துகொண்டு நாட்டின் வளர்ச்சியைக் கட்டி எழுப்புவதாகச் சொல்லிக்கொண்டே பிரிட்டானிய எதிர்ப்புப்பேசுவது காலப்பொருத்தமற்ற பேச்சு.
1947, ஆகஸ்டு 16 எனப் பெயரிட்டு விடுதலைக்கு முன்னும் பின்னும் என்ன நடந்தது தெரியுமா? என்றொரு கேள்விக்குப் பதில் சொல்லும் சினிமாவைத் தயாரித்துள்ளார் ஏ.ஆர்.முருகதாஸ். வரலாற்றுப் பின்னணியில் காதல் கதையொன்றை உருவாக்கி எடுக்கப்பட்ட அந்தப் படம் காலப்பொருத்தமற்ற சினிமாவாக முடிந்து போயுள்ளது. வணிக சினிமாவில் இருக்கவேண்டிய இசைக்கோலங்கள், காட்சிப் புனைவுகள், ஆட்டக்கோர்வைகள் என எல்லாவற்றிலும் சில 10 ஆண்டுகளுக்கு முந்தியனவாக இருக்கின்றன. நிகழ்காலத்தில் சினிமாவின் ரசிகர்களென அறியப்படுகிறவர்களின் எதிர்பாப்புக்கு இவை தீனியாகாது. ஒன்றிய அரசாங்கம் இதுபோன்ற படங்களுக்கு விருதோ, மானியமோ வழங்கும் என்ற எதிர்பார்ப்பு இருக்கும் என்றால் இந்திய/தமிழ் சினிமாவை ஒருவரும் காப்பாற்ற முடியாது.
கடந்த காலத்தை நிகழ்காலத்தில் பேசுவதற்கான தேவையையும் சொல்முறையையும் அறியாத இயக்குநரின் முயற்சி 1947 ஆகஸ்டு 16

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

நவீனத்துவமும் பாரதியும்

ஆங்கிலத்தில் மாடர்ன் (Modern), மாடர்னிட்டி (Modernity), மார்டனிசம்(Modernism) என மூன்று சொற்கள் பயன்பாட்டில் உள்ளன. இம்மூன்று சொற்களின் வேர்ச்சொல் மார்டன் (Modern) என்பதே என்றாலும் பயன்பாட்டு நிலையில் வேறுபாடுகள் உள்ளன. இம்மூன்று சொற்களையும் தமிழில் நவீனம், நவீனத்துவநிலை, நவீனத்துவம் என மொழிபெயர்ப்புச் செய்து பயன்படுத்தலாம். தமிழில் ஒவ்வொன்றும் தனித்தனியாகச் சரியாகப் பயன்படுத்தப்படுகிறதா? என்பது விவாதிக்கப்பட வேண்டியது.  நவீனம் என்பது அன்றாட வாழ்க்கையில் பெரிதும் பயன்பாட்டில் உள்ள சொல். நவீன நிலை என்பது எதிர்கொள்ளும் சிக்கல்கள் மற்றும் முடிவுகளின் மீது மனிதர்கள் காட்டும் நிலைபாட்டின் பக்கச் சார்பைக் குறிக்கும் சொல்லாக நடைமுறையில் இருக்கிறது. இம்மூன்றிலிருந்தும் விலகிக் குறிப்பிட்ட காலகட்டத்துக் கலை இலக்கிய விவாதங்களைக் குறிக்கும் சொல்லாக நவீனத்துவம் இருக்கிறது. அச்சொல்லின் வருகையும் செல்வாக்கும் மேற்குநாடுகளில் 19 ஆம் நூற்றாண்டின் பிற்பாதியிலும் 20 ஆம் நூற்றாண்டின் தொடக்க ஆண்டுகளிலும் கலை இலக்கியப்பரப்புகள் பலவற்றிலும் இருந்தது.
முழுவதும் படிக்க

இவை ஒரு நகரத்தின் கவிதைகள்

தாமிரபரணி, நெல்லை மாவட்டத்தின் ஊர்ப்பெயர்கள், சைவப் பெருங் கோயில்கள், திருவிழாக்கள், அவை சார்ந்த பண்பாட்டு நடவடிக்கைகளின் விவரிப்பு போன்றவற்றின் வழியாகக் கவி கலாப்பிரியா தனது கவிதைக்கு வட்டாரத்தன்மையை உருவாக்கியிருக்கிறார். ஆனால் அக்கவிதைகளுக்குள் உலவும் மாந்தர்களின் காதல், காமம், தவிப்பு, அதன் வழியெடுக்கும் முடிவுகள் போன்றன வட்டார எல்லைகளைத் தாண்டி விரியக்கூடியன.
முழுவதும் படிக்க

பண்பாட்டுக் கல்வி

படம்
  “நமது கல்வி புதியன படைக்கும் ஆற்றலை வளர்க்கவில்லை; மனப்பாடம் செய்வதையும் அதன் வழியாகத் தேர்வு எழுதி அதிக மதிப்பெண்கள் பெறும் வழிமுறைகளையையும் தானே வளர்க்கிறது?”                                                             - இந்தக் கேள்வியைப் பேராசிரியர் ஏ.பி.ஜெ. அப்துல் கலாம் அவர்கள் குடியரசுத் தலைவராக இருந்த காலத்தில் தமிழகம் வந்த போது கோவை நகரைச் சேர்ந்த ஒரு பள்ளி மாணவர் கேட்டார்:  அதற்கு,   “ முதல் வகுப்பிலிருந்து ஒன்பதாம் வகுப்பு வரையுள்ள கல்வி முறையில் மாற்றங்கள் கொண்டு வர வேண்டும்”     என்று பதிலளித்தார் பேராசிரியர்.
முழுவதும் படிக்க