அ.ராமசாமி எழுத்துகள்

திறந்த நிலைப் பொருளாதாரம்:  உலகமயமும் தாராளமயமும் தனியார்மயமும் தொடங்கிய காலமாக 1991 ஆம் ஆண்டு குறிக்கப்படுகிறது. இவற்றை ஏற்றுக்கொண்ட இந்தியா பல தளங்களில் வளர்ச்சியைக் கண்டிருக்கிறது என்பதை மறுப்பதற்கில்லை. ஆனால் அந்த வ ளர்ச்சியில் சமநிலைப் பார்வை இல்லை. சமநிலையாக்கம் தனியார் மயம் விரும்பும் ஒன்றல்ல.

இரவுமுழுவதும் நடக்கும் தெருக் கூத்திலும் ஸ்பெஷல் நாடகத்திலும் முக்கியமான கட்டங்களில் தூங்கிய பார்வையாளர்கள் எழுந்து உட்கார்ந்து விடுவார்கள். குறிப்பாக வாதம்- எதிர் வாதம் என்ற பகுதிகளில் நடிகர்களின் குரலும் வாதத்திறமையும் அந்த நேரத்தில் உருவாக்கிப் பேசும் வசனங்களும் இட்டுக்கட்டும் பாடல்களும் கையொலியை எழுப்பும். அது அந்தப் பாத்திரத்தை ஏற்று நடிக்கும் நடிக ஆளுமைக்குக் கிடைக்கும் பாராட்டு. அப்படித்தான் தோனியின் மட்டையடியை இந்தியத் திரள் காத்திருந்து ரசித்தது. நான் அப்படி ரசித்திருக்கிறேன். அப்படிக் காத்திருந்து ரசிக்க இன்னொரு வீரரைத் தேர்வு செய்ய வேண்டும்.

தமிழ்நாட்டின் வலதுசாரி அரசியலின் முகமாக இருக்கும் பல பத்திரிகைகளில் முதல் இடம் எப்போதும் துக்ளக் இதழுக்குத்தான். துக்ளக் இதழின் ஆசிரியர்களுக்குப் பத்திரிகையின் வணிகவெற்றியோ, வாசகப்பரப்பைக் கூட்டுவதோ முதன்மையான நோக்கங்களாக இருக்கவில்லை; அவற்றை விடவும், அரசியல் ஆளுமைகளாகத் தங்களை நிலைநிறுத்தும் நோக்கம் இருந்தது; இருக்கிறது என்பதைக் காரணமாகச் சொல்லலாம். வலதுசாரிச் சார்புக் கருத்தியல் ஆளுமையாகத் தன்னை நிலைநிறுத்த அதன் தொடக்க ஆசிரியரான சோ.ராமசாமியும் விரும்பினார்; இப்போது ஆசிரியராக உள்ள சுவாமிநாதன் குருமூர்த்தியும் விரும்புகிறார்.

நீயா? நானா? நிகழ்ச்சிக்கான படப்பிடிப்பு நிகழ்ந்து, தொகுத்துச் சுருக்கி ஒளிபரப்பத் தயாரான நிலையில் நிறுத்தப்பட்டுள்ளது என்பதைத் தொடர்ந்து சொல்லிக்கொண்டிருக்கின்றன வலைத்தளப்பேச்சுகள். முகநூல் குறிப்புகளில் எழுதுகிறார்கள். தமிழ்நாட்டுப் பாஜகவின் மீதும், அதன் பொறுப்பாளர்கள், ஆதரவாளர்கள் மீதும் குற்றம்சாட்டுவதில் தொடங்கி, அரசில் அமைச்சுப் பொறுப்பில் இருப்பவர் வரை பெயர்சொல்லிக் குற்றம் சாட்டுகிறார்கள். ஆனால் அதற்குப் பொறுப்பேற்றுப் பதில் சொல்ல ஒருவரும், எந்த அமைப்பும், அரசின் சார்பாளர்களும் முன்வரவில்லை.

தமிழக வரலாற்றைக் கவனித்தால் தமிழ் உணர்வு, தமிழ்ப்பற்று என்ற வடிவங்களில் தமிழ்மொழி சமூகத்தன்மை பெற்று, சில காலங்களில் உயர்ந்த குரலிலும், சிலபோது தாழ்ந்த குரலிலும் ஒலித்து வந்துள்ளது என்பதை உணர முடிகின்றது. தமிழகத்தில் கி.பி. 1529 இல் தொடங்கி 1732இல் முடிவுற்ற காலப்பகுதியில் ஆட்சியாளர்களாக இருந்த நாயக்கர்களின் காலத்தில் எழுதப்பட்ட தமிழுணர்வின் அரசியல், சமூக, பொருளாதாரக் காரணங்களை ஆய்வு செய்வதன் மூலம், இத்தகைய குரல்களின் நோக்கத்தினையும் விளைவுகளையும் கண்டறிய முடியும். இந்நோக்கத்திற்கு அக்கால இலக்கியங்கள் தவிர்ந்த பிறவரலாற்று மூலங்களும் உதவக் கூடும் என்றாலும் பண்பாட்டுத்துறைகளில் ஏற்படும் நிகழ்வுகளை இலக்கியம் தற்போக்கில் படம் பிடிக்கக் கூடிய கருவியாக இருந்து வந்துள்ளது என்பது உண்மை.

சாதிவாரி கணக்கெடுப்பு நடத்தவேண்டும் என்று கோரிக்கை புதியதல்ல. காங்கிரஸ் ஆட்சியின்போதே இந்தக் கோரிக்கை முன்வைக்கப்பட்டுத் தொடங்கப்பட்டது. ஆனால் வெவ்வேறு காரணங்களால் நிறுத்தப்பட்டுள்ளது. இத்தகையதொரு கணக்கெடுப்பில் ஒவ்வொரு சிறுகுழுவும் பெருங்குழுவும் அதனதன் இருப்புக்கேற்பச் சலுகைகள் பெறும் என்ற எண்ணமும் நடைமுறை யதார்த்தமும் இருந்தாலும் மக்களாட்சி முறையின் கோட்பாட்டு அடிப்படையில் நம்பிக்கை இருக்கும் ஒருவர் இந்தக் கணக்கெடுப்பை மனதார ஒத்துக்கொள்ள இயலாது என்றே நான் நம்புகிறேன். இந்த நம்பிக்கையின் அடிப்படையில் இந்தப்பேச்சு தொடங்கிய காலகட்டத்திலேயே அதனைக் குறுத்துக் கட்டுரை ஒன்றை அம்ருதா இதழில் எழுதினேன். இப்போது திரும்பவும் தருகிறேன்.

அண்மைக்காலத்தில் அகத்தியம் என்னும் கற்பனை நூலொன்றைப் பேசத் தொடங்கியிருக்கிறார்கள். அகத்தியரை உருவாக்கியவர் இறையனார்(சிவன் என்பது புராணம் ) அதன் பின்னணியில் இருக்கும் நோக்கங்களை விரிவாக எழுதவேண்டும்.   தொல்காப்பியத்தைக் குறிவைத்துப் பேச அகத்தியத்தைக் கையிலெடுப்பது, பெரியாரைக் குறிவைத்துச் சச்சரவுகளை உருவாக்குவது போன்றது. நவீன மொழியியல் முன்வைக்கும் எழுத்து, சொல் இலக்கணங்களுக்கு இணையாக மொழியைக் குறித்துப் பேசும் இலக்கணம் தொல்காப்பியம். அதேபோல் அரிஸ்டாடிலின் ' கவிதையியல் (Poetics ) ' என்னும் பனுவலைப் போல இலக்கியவியல் அடிப்படைகளைப் பேசுவது தொல்காப்பியப் பொருளதிகாரம். இதனைத் தமிழியல் ஆய்வுலகம் மட்டுமல்லாமல் அமெரிக்க, ஐரோப்பியப் பல்கலைக்கழகங்களில் இருக்கும் இந்தியவியல் துறைகளின் மொழியியல், இலக்கியவியல் துறைகளும் அவற்றின் பேராசிரியர்களும் ஏற்றுக் கொண்டுள்ளனர்.   தொல்காப்பியத்தைப் பின்பற்றி நடந்துள்ள ஆய்வுகள், நவீனப் பகுப்பாய்வு அடிப்படையில் நடந்தவை. அவற்றைத் திசைதிருப்பும் நோக்கத்துடன் அகத்தியம் / அகத்தியர் என்னும் கற்பனை முன் வைக்கப்படுகின்றது. புராணங்களை இலக்கியமாகக் கூட ஏற்காமல் வ...

  நமது காலம் ஊடகங்களின் காலம். ஊடகங்களுக்குப் பெருந்திரள் போராட்டங்களைவிடக் குறியீட்டுப் போராட்டங்கள் வசதியானவையாக இருக்கின்றன. ஒத்திகைப் பார்த்த காட்சிகளோடு கூடிய குறியீட்டுப் போராட்டங்களைப் பல கோணங்களில் காட்சிப்படுத்த முடிகிறது. நேர்நிலையிலும் எதிர்நிலையிலும் விவாதங்களை உருவாக்க முடிகிறது. அதன் வழியாக உருவாகும் அரசியல் சொல்லாடல்களைப் பெருந்திரளிடம் - வாக்காளர்களிடம் நீண்டகாலத்திற்குப் பதிய வைக்க முடிகிறது. அந்த வ'கையில் அண்ணாமலையின் 'சாட்டையடிப்போராட்டம்' காலத்திற்கேற்ற வடிவம் என்றே சொல்வேன்.

இடைத்தேர்தல்கள் தமிழ்நாட்டின் அரசியல் பண்பாட்டில் முக்கியமான நிகழ்வுகள். அப்படியான இடைத்தேர்தல்கள் இரண்டைப் பக்கத்தில் பார்த்து எழுதியதுண்டு. இடைத்தேர்தல் நடந்த (2003) சாத்தான்குளம் தொகுதியைச் செல்லக்குட்டி எனச் சொல்லிக் குதூகலப்படுத்தினார் அப்போதைய முதல்வர் ஜெயலலிதா. ஆறு ஆண்டுகளுக்குப் பின்னர்(2009) தனித்துவமான தேர்தல் பார்முலாவை உருவாக்கித் திருமங்கலம் இடைத்தேர்தலில் வெற்றிபெற்றது திராவிட முன்னேற்றக்கழகம். அப்போது எழுதிய கட்டுரைகள் இவை.

வரலாறு என்னை விடுதலை செய்யும் என்றார் தோழர் காஸ்ட்ரோ. திரள் மக்களின் விடுதலைக்கும் வரலாற்றுக்கும் உள்ள உறவை யாராவது ஒருவர் எளிமையாக விளக்கிவிட முடியும் என்று முன்வந்தால் அவரை ஆச்சரியத்தோடு தான் பார்க்கத் தோன்றுகிறது. அதற்கு மாறாக விடுதலைக்கும் வரலாற்றுக்கும் ஒட்டும் இல்லை; உறவும் இல்லை எனக் கூறி வரலாற்றை விலக்கிவைக்க முன் வந்தால் அவரையும் ஆச்சரியத்தோடு தான் பார்க்கத் தோன்றுகிறது. வரலாறு விளக்கவும் முடியாத - விலக்கவும் முடியாத -ஒன்றாக இருப்பது பேசுவதற்கான ஒன்றுதான்.

 ஒரு மொழியின் இருப்பு எல்லாக்காலத்திலும் ஒன்றுபோல இருப்பதில்லை.   மொழிகளின் தோற்றக்காரணிகளைப் பொருத்து அவற்றின் இயல்பும் இருப்பும் மாறிக்கொண்டே இருக்கும். உலகில் உள்ள எல்லா மொழிகளையும் இயற்கை மொழி என்று சொல்லிவிட முடியாது.மிகக்குறைவான மொழிகள் செயற்கைமொழிகளாகவும் இருக்கின்றன.

சாதிமத பேதமின்றி- ஏழை பணக்காரர் என்ற வேறுபாடின்றி, ஆண் -பெண் பாகுபாடின்றி அவரது இசையை அள்ளிக்கொள்ளும் மனங்கள் நிரம்பியது தமிழ்நாடு. தமிழ்நாட்டு மக்கள் மட்டுமின்றி உலகெங்கும் உள்ள தமிழர்கள் கொண்டாடும் ஒரு பிம்பம் இளையராஜா. அவரது திரையிசைக்காகவும் பக்திப்பாடல்களுக்காகவும் தனி ஆல்பங்களுக்காகவும் எனக் கொண்டாடும் மனிதர்கள் அவரது மேடைப்பேச்சு, பொதுவெளிக் கருத்துகள், கருத்தியல் சார்புகள் எனப் பலவற்றிற்காக  எதிர்நிலையாகவும் நினைக்கின்றார்கள்.  

ஏமாறாதே; ஏமாற்றாதே ஏமாறுதல் - ஏமாற்றுதல் என்ற இரண்டு சொற்களில் எது முந்தியது என்று கேட்டால் உடனே பதில் சொல்ல முடியாது. முட்டை முந்தியதா? கோழி முந்தியதா? என்ற கேள்விக்குப் பதில் சொல்ல முடியாததைப் போல இதற்கும் பொருத்தமான பதிலைச் சொல்ல முடியாது. ஒருவரை ஒருவர் சார்ந்து வாழ்தல் எப்போது தொடங்கியதோ அப்போதே ஏமாற்றுதலும் ஏமாறுதல் தொடங்கியிருக்கிறது. ஆதாமை ஏவாளும், ஏவாளை ஆதாமும் ஏமாற்றவே செய்திருக்கிறார்கள். தமிழ்நாட்டின் ஒட்டுமொத்த ஏமாளிகள் கோவைக்காரகள் அல்லது கொங்கர்கள் எனப் பேசுவதும் நம்புவதும் சமூக ஊடகங்கள் உருவாக்கியுள்ள மந்தைப் போக்கு. இதேமாதிரியான பல மந்தைப்போக்கை -கும்பல் பண்பாட்டை அச்சு ஊடகங்களும் தொலைக்காட்சி ஊடகங்களும் சினிமாவும் நாடகங்களும் அவ்வப்போது உருவாக்கியிருக்கின்றன. ஏமாற்றுவதோடு தொடர்புடைய லஞ்சம் அல்லது கையூட்டு அப்படிப்பட்ட பழைய சொற்கள் அல்ல. அவை தொழில்புரட்சிக்குப் பின்னால் உருவான முதலாளிய உற்பத்தியோடும் வாழ்க்கைமுறையோடும் தொடர்புடைய சொற்கள். ஒப்பந்தங்களைப் பெறுவதற்காகக் கையூட்டுத் தருவதற்கே தனியார் நிறுவனங்கள் கணக்கில் காட்டாத தொகைகளை ஒதுக்கி வைக்கிறார்கள் என்பதுதான் ...

  அவதூறான பேச்சுகளுக்காக அவர் மீது வழக்குகள் பதியப்பட்டன. தேடப்படும் குற்றவாளியாக அறிவிக்கப்பட்டார் கஸ்தூரி. முன்னாள் நடிகையான கஸ்தூரி தன்னைப் பிராமண சங்கச் செயல்பாட்டாளராக அறிவித்துக் கொள்ளும் நோக்கத்தோடு பேசிய பேச்சுகள் பொதுவெளியில் பதற்றத்தை உருவாக்கக்கூடிய பேச்சுகள் என்ற அடிப்படையில் தான் வழக்குகள் பதியப்பட்டன. அந்த நேரத்தில் அவரது பேச்சுகளைக் கண்டிக்காத பலரும் இப்போது 'பேச்சுரிமை'யின் அடிப்படையில் அரசைக் கண்டிக்கிறார்கள்.

அதிகாரப் பரவலாக்கம் பற்றி ஜனநாயக ஆர்வலர்களும் அறிவுஜீவிகளும் தொடர்ந்து பேசி வந்துள்ளனர். மையப்படுத்தப்படும் அதிகாரத்திற்கு எதிராகக் குரல் கொடுக்கும் போக்கு ஜனநாயகத்தின் மீது நம்பிக்கை கொண்டவர்களின் வெளிப்பாடு. மையப்படுத்தப்பட்ட அதிகார அமைப்பில் சில மாநில மக்களின் நலன்களும் , மாநில அரசுகளின் உரிமைகளும் கண்டு கொள்ளப்படவில்லை; அதிகாரம் பரவலாக்கப் பட வேண்டும்; மேலிருந்து கீழ் நோக்கி அப்பரவல் நகரவேண்டும் என்றெல்லாம் பேசப்பட்டதுண்டு. ஒற்றைக் கட்சியின் ஆட்சி மைய அரசில் இருந்த போது இத்தகைய குரல்கள் தொடர்ந்து எழுப்பப்பட்டன.

மூன்றாவது முறையாக இந்தியாவின் முதன்மை அமைச்சர் ஆகியிருக்கிறார் திருவாளர் நரேந்திர தாமோதர்தாஸ் மோடி. முந்திய இரண்டு முறையும் இருந்த குதூகலமும் உற்சாகமும் இந்தப் பதவியேற்பில் இல்லை. தனியொரு கட்சியின் - பா;ஜ;க;வின் - நாடாளுமன்றக் கட்சியின் தலைவராகப் பதவியேற்ற நிலைக்கு மாறாக, தேசிய ஜனநாயகக் கூட்டணியின் தலைவராகப் பதவியேற்றுள்ளார். தேர்தலுக்கு முன்னால் சொல்லப்பட்ட ‘ மோடி சர்க்கார்’ என்ற சொல்லாட்சி பின்னுக்குத் தள்ளப்பட்டு ‘என்.டி. ஏ சர்க்கார்’ என்ற சொல்லாட்சியைத் தொலைக் காட்சிகள் உச்சரிக்கின்றன. இந்தப் பின்னடைவு நிதானத்தையும் மறுபரிசீலனையும் உண்டாக்கும் என்று எதிர்பார்ப்பது இயல்பு. ஆனால் முன் வைத்த கால்களைப் பின்வாங்கிச் சிந்திக்க மறுக்கும் தனிநபர்களும் குழுக்களும் அப்படியான மறுபரிசீலனைகளைச் செய்வார்கள் என்று சொல்ல முடியாது. தனிநபராக அவர் எடுத்த முடிவுகளும், அவருக்கு ஆலோசனை சொல்பவர்கள் வழியாகச் செயல்படுத்த நினைத்த திட்டங்களும் இந்தியா என்ற ஒரு நாட்டைப் பல நிலைகளில் நிலைகுலையச் செய்திருக்கிறது. மொழிகள், சமயங்கள், சாதிய அடுக்குகள் அவற்றின் வழியாக உருவாகும் பண்பாட்டு விழுமியங்கள் என ஒவ்வொன்றி...

எனது வாக்கைச் செலுத்துவதற்கு ஒருமணி நேரம் காத்திருக்க வேண்டியிருந்தது. நடந்து சென்று வாக்களிப்பது என முடிவு செய்ததால் காலையில் நடக்கவில்லை. அரை கிலோ மீட்டர் தூரத்தில் இருக்கும் அரசினர் ஆண்கள் மேல்நிலைப்பள்ளிக்கு நடந்தபோக 15 நிமிடம் ஆகும். ஒன்பது மணிக்குக் கிளம்பி 09.15 க்கு வரிசையில் நின்று வாக்களித்துவிட்டு வெளியேறிய போது மணி 10.12. நாம் அளித்த வாக்கு யாருக்குப் போகிறது என்பதைக் காட்டும் ஏற்பாடும் இருக்கிறது.

ஒரு அரங்கியலாளனாகவும் அரசியல் விமர்சகனாகவும் ராகுல்காந்தியைத் தொடர்ந்து கவனிக்கிறேன். அரசியல் கட்சி ஒன்றின் முன்னணித் தலைவராக அவரது பேச்சுகள் அரசியல் சொல்லாடல்களாக இருக்கின்றன. அந்தச் சொல்லாடல்கள் இப்போதிருக்கும் ஆட்சியாளர்களின் இறுக்கமான சித்தாந்தம், செயல்பாடுகள், மறைமுக நோக்கங்கள், எதிர்மறைச் சிந்தனைகள் போன்றவற்றை விவாதிப்பதற்கு முன்னுரிமை கொடுத்து அம்பலப்படுத்துகின்றன. ஊழல், வாரிசு அரசியல் போன்றவற்றைப் பேசுவதற்கான திட்டங்களைத் தீட்டித்தரும் ராஷ்ட்ரீய ஸ்வயம் சேவக் அமைப்பையும், அதன் தலைமைப்பீடத்து மனிதர்களையும் நேரடியாகக் கைகாட்டுகின்றார். அப்படித்தான் அவரது பேச்சுகள் அமையவேண்டும் என்பதைத் திட்டமிட்டே செய்கின்றார்.

மதுரை நாடாளுமன்றத்தொகுதியில் சாகித்திய அகாதெமி விருதுபெற்ற எழுத்தாளர் சு.வெங்கடேசன் திரும்பவும் வேட்பாளர்.

நடந்து முடிந்த நாடாளுமன்றத்தேர்தலில்(2019)மொத்த வாக்காளர்களில் 1.6 கோடிப்பேர் வாக்களிக்கவில்லை. கடந்த தேர்தலில் வாக்களித்தவர்களைவிட 2 சதவீதம் குறைவு இந்த முறை. இதற்கான காரணம் என்னவாக இருக்கும் என்று புதிய தலைமுறை இதழாளர் என்னிடம் கேட்டார். அப்போது சொன்ன பதில் இப்போதும் பொருந்தக்கூடிய ஒன்றுதான்.