சென்னைப் புத்தகக்கண்காட்சிப் பரிந்துரைகள்
நாம் எப்படி வாசிக்கிறோம்? வாசிப்புத்தேவைகள் எப்படி உருவாகின்றன?
நமது வாசிப்பு விருப்பங்கள் எப்படிப்பட்டவை? வாசித்தவற்றை யாருக்குச் சொல்கிறோம் என்ற புரிதலோடு இந்தப் பரிந்துரைகள்.
ஜனவரி, 12
சுப்ரபாரதிமணியனின் விருப்பங்கள்
அரசுத்துறைகளிலோ, பொதுத்துறைகளிலோ வேலை பார்த்துக்கொண்டே எழுத்தாளராக இயங்கிக் கொண்டிருப்பவர்களைக் குறிக்கும் சொல்லாகப் பகுதிநேர எழுத்தாளர் என்ற சொற்றொடர் வழக்கில் இருந்தது. இந்த வழக்குச் சொல்லுக்கு எடுத்துக்காட்டப் பல எழுத்தாளர்களும் உண்டு. பொதுத்துறையான தொலைத்தொடர்பில் பணியாற்றிய சுப்ரபாரதி மணியனை அந்தப் பட்டியலில் சேர்க்கமுடியுமா? என்று தெரியவில்லை.
தொடர்ச்சியாகச் சிறுகதைகளையும் நாவல்களையும் எழுதிக்கொண்டே இருந்தவர். கனவு என்ற சிற்றிதழில் புனைவெழுத்துகளைத் தாண்டி சினிமா, அரங்கியல் எனக்கட்டுரைகளை வெளியிட்டவர். 100 இதழ்களைத் தாண்டி இப்போதும் வந்துகொண்டிருக்கிறது. எழுத்தாளர்களுக்குக் கிடைக்கும் விருது என்னும் அங்கீகாரம் அவர்களின் தொடர் வினைகளுக்கு ஊக்கம் தரும் என்ற புரிதலோடு ‘திருப்பூர்த் தமிழ்ச் சங்க விருது’ என்ற விருதுக்குவியலை உருவாக்கி ஆண்டு தோறும் பலருக்கும் விருதளிப்பு நிகழ்வை ஒருங்கிணைப்பவர் அவர். அவ்விருதை வாங்கிய எழுத்தாளர்கள் தமிழ்நாடு முழுவதும் பரவலாக இருக்கிறார்கள்.
*************
குறிப்பான ஒரு நகரப்பின்னணியில் மனிதர்களின் அலைவையும் பொருளியல் சார்ந்த இருப்பையும் உளச்சிக்கல்களையும் எழுதியவராக அடையாளம் காட்ட அவர் ஒருவரே இருக்கிறார். கால் நூற்றாண்டுக்கு முன்னால் பேரூர் என்ற நிலையிலிருந்த திருப்பூர் பரப்பளவிலும் தொழில் வளர்ச்சியும் விரிந்தபோது சுற்றுச்சூழலும் மனித உறவுகளும் எப்படிக் கேடுகளைச் சந்தித்தன என்பதைச் சொல்லும் புனைவுகளையும் கட்டுரைகளையும் எழுதிக்குவித்துள்ளார். இவையல்லாம் அவரது விருப்பமாக இருப்பது பயணங்கள். இந்தியாவுக்குள்ளும் வெளியிலும் அவர் சென்றுவரும் பயணங்களையும் ஆவணப்படுத்தும் நூல்களையும் எழுதிக்கொண்டே இருப்பவர். எழுத்துகளின் தொடர்ச்சியான வாசகன் நான். என்னிடம் ஆய்வு செய்தவர்களுக்கு அவரது புனைவுகளை ஆய்வுசெய்ய வலியுறுத்தியிருக்கிறேன்.
******
வெளிசார் எழுத்து/புதுச்சேரிக்காரர்கள், பயணம்/ வியட்நாம் வீரபூமி, இலக்கியவரலாறு/தற்காலத் தமிழ் இலக்கியம் என்ற மூன்று நூல்களை வாசிக்கும் வாய்ப்பு கிடைத்தது. இத்துறைகளில் ஆர்வமுள்ளவர்கள் வாசிப்பதற்காக அவற்றைப் பரிந்துரைக்கிறேன். திருப்பூர்,கனவுப்பதிப்பக வெளியீடுகளான இவை புத்தகக் கண்காட்சியிலும் கிடைக்கும் வாய்ப்புண்டு.
ஜனவரி, 11
சுப்ரபாரதிமணியனின் விருப்பங்கள்
அரசுத்துறைகளிலோ, பொதுத்துறைகளிலோ வேலை பார்த்துக்கொண்டே எழுத்தாளராக இயங்கிக் கொண்டிருப்பவர்களைக் குறிக்கும் சொல்லாகப் பகுதிநேர எழுத்தாளர் என்ற சொற்றொடர் வழக்கில் இருந்தது. இந்த வழக்குச் சொல்லுக்கு எடுத்துக்காட்டப் பல எழுத்தாளர்களும் உண்டு. பொதுத்துறையான தொலைத்தொடர்பில் பணியாற்றிய சுப்ரபாரதி மணியனை அந்தப் பட்டியலில் சேர்க்கமுடியுமா? என்று தெரியவில்லை.
தொடர்ச்சியாகச் சிறுகதைகளையும் நாவல்களையும் எழுதிக்கொண்டே இருந்தவர். கனவு என்ற சிற்றிதழில் புனைவெழுத்துகளைத் தாண்டி சினிமா, அரங்கியல் எனக்கட்டுரைகளை வெளியிட்டவர். 100 இதழ்களைத் தாண்டி இப்போதும் வந்துகொண்டிருக்கிறது. எழுத்தாளர்களுக்குக் கிடைக்கும் விருது என்னும் அங்கீகாரம் அவர்களின் தொடர் வினைகளுக்கு ஊக்கம் தரும் என்ற புரிதலோடு ‘திருப்பூர்த் தமிழ்ச் சங்க விருது’ என்ற விருதுக்குவியலை உருவாக்கி ஆண்டு தோறும் பலருக்கும் விருதளிப்பு நிகழ்வை ஒருங்கிணைப்பவர் அவர். அவ்விருதை வாங்கிய எழுத்தாளர்கள் தமிழ்நாடு முழுவதும் பரவலாக இருக்கிறார்கள்.
*************
குறிப்பான ஒரு நகரப்பின்னணியில் மனிதர்களின் அலைவையும் பொருளியல் சார்ந்த இருப்பையும் உளச்சிக்கல்களையும் எழுதியவராக அடையாளம் காட்ட அவர் ஒருவரே இருக்கிறார். கால் நூற்றாண்டுக்கு முன்னால் பேரூர் என்ற நிலையிலிருந்த திருப்பூர் பரப்பளவிலும் தொழில் வளர்ச்சியும் விரிந்தபோது சுற்றுச்சூழலும் மனித உறவுகளும் எப்படிக் கேடுகளைச் சந்தித்தன என்பதைச் சொல்லும் புனைவுகளையும் கட்டுரைகளையும் எழுதிக்குவித்துள்ளார். இவையல்லாம் அவரது விருப்பமாக இருப்பது பயணங்கள். இந்தியாவுக்குள்ளும் வெளியிலும் அவர் சென்றுவரும் பயணங்களையும் ஆவணப்படுத்தும் நூல்களையும் எழுதிக்கொண்டே இருப்பவர். எழுத்துகளின் தொடர்ச்சியான வாசகன் நான். என்னிடம் ஆய்வு செய்தவர்களுக்கு அவரது புனைவுகளை ஆய்வுசெய்ய வலியுறுத்தியிருக்கிறேன்.
******
வெளிசார் எழுத்து/புதுச்சேரிக்காரர்கள், பயணம்/ வியட்நாம் வீரபூமி, இலக்கியவரலாறு/தற்காலத் தமிழ் இலக்கியம் என்ற மூன்று நூல்களை வாசிக்கும் வாய்ப்பு கிடைத்தது. இத்துறைகளில் ஆர்வமுள்ளவர்கள் வாசிப்பதற்காக அவற்றைப் பரிந்துரைக்கிறேன். திருப்பூர்,கனவுப்பதிப்பக வெளியீடுகளான இவை புத்தகக் கண்காட்சியிலும் கிடைக்கும் வாய்ப்புண்டு.
ஜனவரி, 11
வாய்மொழி இலக்கிய ஆய்வில் மூன்றாவது கட்டம்
மேற்கத்தியப் பல்கலைக்கழகத்தின் ஆய்வுகள் என்பன பெரும்பாலும் கோட்பாட்டு ஆய்வுகளாகவே அமையும். முழுமையான கோட்பாடுகளைப் பொருத்திப் பார்க்கவில்லையென்றால், கோட்பாட்டி ஒரு கூறையாவது விளக்கிப்பொருத்திக் காட்டுவதையே அவர்கள் ஆய்வாகக்கருதுகிறார்கள். அதனாலேயே கலை, இலக்கியம், மொழி, சமூக அறிவியல் போன்ற புலங்களில் தொடர்ச்சியான கண்டுபிடிப்புகள் கோட்பாடுகளாக முன்வைக்கப்படுகின்றன.
சமூக அறிவியலின் பகுதியாக அறியப்படும் வாய்மொழி வழக்காறுகள் தமிழ்நாட்டில் நாட்டார் வழக்காறுகளாகப் பெயர் மாற்றம் பெற்றுள்ளன. வாய்மொழி வழக்காறுகளுக்குள் இருக்கும் கதைகள், பாடல்கள், சொல்லணிகள், கதைப்பாடல்கள், சடங்குகள், நிகழ்த்துக்கலைகள் என ஒவ்வொன்றையும் ஆய்வு செய்வதற்குத் தனித்தனிக் கோட்பாட்டுப் பார்வைகள் உள்ளன.
அமைப்பியலின் வருகைக்குப் பின்பு மொழி பற்றிய பார்வைகள் மேற்கத்தியப் பல்கலைக்கழகங்களில் கண்டுபிடிப்புகளாக முன்வைக்கப்பட்டன. அதன் தொடர்ச்சியில் இலக்கிய ஆய்வுகள், வாய்மொழி இலக்கியங்கள் போன்றவற்றில் செய்ம்முறை ( Practical Research) ஆய்வுகள் வந்தன. அவற்றின் மாதிரிகள் பின்னர் எழுதப்பெற்ற இலக்கியப்பனுவல்களை ஆய்வு செய்யும் கோட்பாடாகவும் மாறின. புகழ்பெற்ற காப்பியங்களையும் நாடகங்களையும் அந்தப் பார்வையில் விளக்கினார்கள். அடிக்கருத்துருவாக்கம், அவற்றின் வெளிப்பாட்டு வாய்பாடுகள் பற்றி விரிவாகப் பேசியவர்களில் முக்கியமானவர்கள் பலருண்டு. கதை தழுவிய வாய்மொழி இலக்கியங்களான கதைப்பாடல்களை ஆய்வு செய்வதற்குப் பெரிதும் உதவும் அடிக்கருத்துகள் -வாய்பாடுகள் பற்றி விரிவாக விளக்கியவர்கள் மில்மன் பர்ரியும் ஆல்பெர்ட் பேட்ஸ் லார்ட்ஸும். அவற்றை உள்வாங்கிய தனிச்சிறப்பான ஆய்வைச் செய்த தமிழ்நாட்டுப்புற ஆய்வாளர்களில் ஒருவராகத் திகழ்பவர் பேரா. ஆ.திருநாகலிங்கம். அவரது கட்டபொம்மு கதைப்பாடல்: வாய்பாடும் அடிக்கருத்தும் என்ற நூல் கோட்பாட்டுப் பார்வையை உள்வாங்கிப் பொருத்திக்காட்டும் செய்ம்முறை ஆய்வுக்கு ஒரு முன்மாதிரியாக உள்ளது.
புதுச்சேரி மையப்பல்கலைக்கழகத்தில் புலமுதன்மையராக இருந்து ஓய்வுபெற்றுள்ள பேரா. ஆ.திருநாகலிங்கத்தை எனது மாணவப்பருவத்திலிருந்து நன்கறிவேன். அவரும் நானும் ஒருசாலை மாணாக்கர்கள். முதுகலையில் வகுப்புத்தோழர்கள். அப்போதெல்லாம் அவரது விருப்பபாடமாக இருந்தது இலக்கணம். குறிப்பாகச் சொல்லிலக்கணம். தொடக்கநிலையில் இலக்கணம் கற்பிக்கும் ஆசிரியராகவே தன்னை நினைத்தார். ஆனால் அவரது முனைவர் பட்ட ஆய்வுக்கு வாய்மொழிக்கதைகளை மையமிட்ட ஆய்வைத்தொடங்கியபின்பு முழுமையாகத் தன்னை நாட்டார் வழக்காற்றுப்புலத்திற்கு ஒப்புக்கொடுத்தார். தனி ஆசிரியராக 5 நூல்களையும், பதிப்பு & இணைப்பதிப்பாசிரியராக 5 நூல்களையும் தந்துள்ள அவரின் நாட்டார் வழக்காற்றியல் பங்களிப்பில் இந்நூல் முன்மாதிரியான நூலாக இருக்கிறது. இவ்வகை ஆய்வுகள் தொகுப்பாய்வு, பகுப்பாய்வு என்ற இரண்டு கட்டங்களைத் தாண்டிய செய்ம்முறை ஆய்வு ஆகும். இந்நூலை கல்விப்புலத்தவரும் அறிவுலகத்தை அறிய விரும்பும் பொது வாசகரும் வாங்கிப்படிக்கலாம். கற்பிக்கும் ஆசிரியர்கள் மாணாக்கர்களுக்கு அன்பளிப்பாக வாங்கிக் கொடுத்துப் புலமை பெறச்செய்யலாம்.
*******************************
ஜனவரி, 10
கோட்பாட்டு அறிமுக நூல்
அமைப்பியல் என்ற சொல்லையும் அதன் இயங்கு முறையையும் முதன்முதலில் ஒரு கருத்தரங்கில் பேரா.கார்லோஸ் (தமிழவன்) அவருக்கே உரிய சிக்கலான மொழியில் விளக்கினார். அந்த உரையைக் கேட்டபோது நான் மாணவன். அந்த உரையைக் கேட்பதற்கு முன்பே அவர் எழுதிய ’ஸ்ட்ரக்சுரலிஸம்’ என்ற நூலை வாங்கி வாசிக்க முயன்று தோற்றிருந்தேன். தொடர்ந்து பல உரைகளைக் கேட்டும் வாசித்தும் அமைப்பியல் வாதத்தின் இயங்குநிலையை உள்வாங்கிய பின்னர் மொழியியலின் அடிப்படைகளைக் கற்கவேண்டிய தேவையை உணர முடிந்தது.
எல்லாச்சொல்லும் பொருள் குறித்தனவே என்ற தமிழ் இலக்கணச் சூத்திரத்தின் விரிவாக்கம் இலக்கணமாக மட்டும் வாசிக்கப்பட வேண்டிய ஒன்றல்ல. எழுத்து - சொல் - யாப்பு -அணி - பொருள் என உருவாகும் இலக்கியவியலின் அடிப்படைகளும் ஆழங்களும் இலக்கணத்தைத் தாண்டி அறிவுத்தோற்றவியலாகவும், மெய்யியலாகவும் வாசிக்கவேண்டியவை என்பதையும் அமைப்பியலின் இயங்குநிலைகள் புரிய வைத்தன. இலக்கியப்பனுவலாக மட்டும் இல்லாமல், தனியொரு சொல்லாகவே நிற்கும் ஒன்றின் அர்த்தம் அல்லது பொருள் என்பது நிலையானதல்ல; தற்காலிகமானதே என்பதும், ஒரு சொல்லின் வழியாக உணரப்படும் பொருள் ஒவ்வொருவருக்கும் வேறானது என்பதும் மொழியின் விளையாட்டுதான். இடுகுறி, காரணம், ஆகுபெயர், அன்மொழித்தொகை, பொருள்கோள், நோக்கு, புலப்பாடு, மொழிதல் எனப் பலவிதமான கலைச்சொற்களோடு கூடிய விளையாட்டு அது.
இந்த உலகம், அதிலிருக்கும் அசையும் பொருட்கள்- அசையாப்பொருட்கள், உயிருள்ளவை, உயிரற்றவை என எல்லாவற்றையும் மொழியால் குறிக்கிறோம். குறிக்கப்படும் சொற்களுக்குப் பின்னால் உருவாகும் அர்த்தம் சொல்லுக்குள் இல்லை; அதற்கு வெளியே சொல்லை உச்சரிக்கும் மனத்திற்குள் உள்ளது; மனத்திற்குள் உருவாகும் அர்த்தம் புறச்சூழலால் நிரப்பப்படுகிறது.
இப்படியான பல சிந்தனைகளை - மொழி, தத்துவம், உளவியல், மானுடவியல் என ஒன்றோடொன்று தொடர்புடைய சிந்தனைகளை இணைத்து வாசிக்க வேண்டிய ஒரு நூல் விற்கன்ஸ்ரைன்: மொழி, அர்த்தம், மனம். இந்த நூல் எனக்குக் க்ரியா பதிப்பகத்திலிருந்து நூல் வெளியான மாதங்களுக்குப் பின்னால் தபாலில் வந்து சேர்ந்தது. யார் அனுப்பச் சொன்னார்கள் என்று தெரியவில்லை. அனுப்பச் சொன்னவர்கள் அதை வாசித்தீர்களா? என்றுகூட இதுவரை கேட்கவில்லை. ஒருவேளை க்ரியா ராமகிருஷ்ணனே கூட அனுப்பியிருக்கலாம். அவர் அனுப்பிவைக்கும் நூல்களுக்கு அவரைப் பார்க்கும்போது பணம் தருவேன். சிலவற்றிற்கு வாங்க மாட்டார்; சிலவற்றிற்கு வாங்கிக்கொள்வார். அதற்கெல்லாம் காரணமும் சொல்லமாட்டார்.
நூல் கிடைத்தவுடன் வாசிக்கத் தொடங்கவில்லை. கைவசம் இருக்கும் பையில் வைத்துக்கொண்டு இரண்டு மாதம் திரிந்தேன். மருத்துவம் சார்ந்த ஓய்வு நாட்கள் கிடைத்தபோது வாசித்துமுடித்தேன். நிதானமாக வாசிக்க வேண்டிய இந்த நூலை வாங்கி வைத்துக்கொள்ளுங்கள். கட்டாயம் வாசித்துவிடுங்கள். மற்றவர்களோடு இதனை முன்வைத்து உரையாடுங்கள்
*******************************
செ.வே. காசிநாதன்,விற்கன்ஸ்ரைன்: மொழி, அர்த்தம், மனம், க்ரியா, முதல் பதிப்பு, ஜூலை, 2021
-----------------------------------------------------------
ஜனவரி 11, 2023
இலக்கியமாணவனாக நினைக்கத் தொடங்கி, இலக்கியத்திறனாய்வு இலக்கியமாணவனாக நினைக்கத் தொடங்கி, இலக்கியத்திறனாய்வு ஆசிரியனாக ஆனவன் நான். சிற்றிதழ் வாசிப்பில் அறிமுகமான க.நா.சு.வும், வெ.சாமிநாதனும் காரணங்களைச் சொல்லாமல் பெயர்களை முன்வைக்கிறார்கள் என்பதை உணர்த்தியவர் சி.சு.செல்லப்பா. அவரது விமரிசனப்பார்வையில் பனுவலுக்குள் நின்று பேசும் ஓர் ஒழுங்கு உண்டு. அந்த ஒழுங்கைத்தாண்டிப் பனுவல்களைச் சூழலில் வைத்து வாசிக்கவேண்டும்; பனுவல்களுக்குள் இருக்கும் தரவுகளையும் நிகழ்வுகளையும் காலப்பின்னணியில் காரணகாரியங்களோடும், தர்க்கபூர்வமாகவும் விவாதிக்க வேண்டும். அதன் மூலம் ஒரு கருதுகோளை நிறுவிக்காட்ட முடியும் என்ற திறனாய்வு முறையியலைக் கற்பித்த முன்னோடிகள் இலங்கையின் பேராசிரியர்கள் க.கைலாசபதியும், கா.சிவத்தம்பியும். அவர்களின் பாதையில் முதன்மையாகக் கல்விப்புலங்களுக்குள் அறிமுகமான தமிழக முன்னோடித் திறனாய்வாளர் கோ.கேசவன். அவரது பள்ளு இலக்கியம் - ஒரு சமூகவியல் பார்வை, மண்ணும் மனிதர்களும் என்ற இரண்டு நூல்களும் வாசிப்புத்திளைப்பை உருவாக்கிய திறனாய்வு நூல்கள். இவை படித்த நூல்கள். படிக்கச் சொல்கிறேன். படித்துப்பாருங்கள்.
நானும் நீதிபதி ஆனேன் -எனத்தலைப்பிட்டு கே.சந்துரு எழுதியுள்ள இந்த நூலை அறிமுகம் செய்ய வேண்டியதில்லை. சமஸின் அருஞ்சொல் வெளியீடாக ஜனவரி 2022 இல் வந்து இரண்டாம் பதிப்பாகவும் வந்துவிட்டது என நினைக்கிறேன். வழக்கறிஞராகவும் களச்செயல்பாட்டாளராகவும் அவரை அறிவேன். புதுச்சேரியில் இருந்தபோது பேரா.கல்யாணியின் கல்வி சார்ந்த செயல்பாடுகள், ரவிக்குமாரின் மனித உரிமைகள் சார்ந்த செயல்பாடுகளோடு உடன்பாடு கொண்டு பங்கேற்றபோது சந்துருவைப் பற்றி அவர்கள் சொல்லக் கேட்டிருக்கிறேன். பின்னர் மேடைகளில் அவர் பேசும்போது பார்வையாளனாக இருந்திருக்கிறேன்.
நெல்லைக்கு வந்த பின்னர் சில மேடைகளில் அவரும் நானும் ஒரே மேடையில் இருந்துள்ளோம். மணற்கேணி பதிப்பகம் வெளியிட்ட அம்பேத்கர் ஒளியில் எனது தீர்ப்புகள், இவர்தான் சந்துரு, காலச்சுவடு வெளியீடான கனம் கோர்ட்டார் அவர்களே போன்ற நூல்களை வாசித்துள்ளேன். அவற்றையெல்லாம் தாண்டி அருஞ்சொல் வெளியீடான ‘நானும் நீதிபதி ஆனேன்’ என்ற அவரது தன்வரலாறு எனக்குப் பிடித்த ஒன்றாக இருக்கிறது. ஏனென்றால் எனக்கும் ஓராசை இருக்கிறது. எனது தன்வரலாற்றை எழுதவேண்டும் என்பது அந்த ஆசை.
புனைகதைகள் வாசிக்கும் ஆர்வத்திற்கிணையாக எனக்குத் தன்வரலாறுகள் படிக்கும் ஆர்வமும் உண்டு. மாக்சிம் கார்கியின் தாய் நாவலை வாசித்தபின் அடுத்துப் படித்தது அவரின் வாழ்க்கை வரலாற்று நூல்கள் தான். எனது இளமைப்பருவம், யான் பயின்ற பல்கலைக்கழகங்கள் போன்றனவற்றை வாசித்தபோது இதுபோல நாமும் எழுதவேண்டும் என்று நினைத்திருக்கிறேன். பின்னர் மேயோ, நேரு, காந்தி, வனவாசம், நெஞ்சுக்கு நீதி, ஜெயகாந்தன், கமலாதாஸ் என வாசிப்புத் தொடர்ந்தது.
சந்துருவின் நூலை வாசித்தபின் ”நானும் பேராசிரியரானேன்” என்ற தலைப்பு வைத்து எனது வரலாற்றை எழுதலாமா என்று இப்போது நினைக்கும் அளவுக்கு அது பிடித்திருக்கிறது. ஒரு துறையில் அறியப்பட்ட மனிதராக இருந்து தன் வரலாற்றைச் சொல்வதற்கு முன்மாதிரியாக இருக்கிறது இந்த நூல். இதற்குள் அவரது வரலாறு மட்டுமாக இல்லாமல் அந்தக் காலகட்டத்துப் பொது எண்ணங்களும் அதன் திசை மாற்றங்களும் இருக்கின்றன. அதற்கு துறைசார்ந்த ஆளுமையாக விளங்கும் ஒருவர் என்னவிதமான வினைகளையும் எதிர்வினைகளையும் தருவார் என்பதைப் பல இடங்களில் வாசிக்க முடிந்தது. இது எனது காலகட்டத்தின் பதிவுகள்; நமது காலகட்டத்தின் பதிவுகள். வாங்கி வைத்துக்கொள்ளலாம்.
இரண்டு கட்டுரை நூல்கள்
கோயம்புத்தூருக்கு வருவதற்கு முன்பு இவர்கள் அதிகம் அறிமுகம் இல்லாதவர்கள். நிஷா மன்சூரின் கவிதைகளைத் தனித்தனியாக வாசித்ததுண்டு. தொகுப்பாக வாசித்ததில்லை. ஆங்காங்கே வாசித்த கவிதைகளைத் தாண்டித் தொகுப்பாக வாசித்தது அவரது மூன்றாவது கவிதைத் தொகுதி. வெளியீட்டு விழாவிற்குப் போனபோது அத்தொகுதியோடு -விடுதல்களும் தேடல்களும் -என்ற இந்தக் கட்டுரை நூலையும் தந்தார். இரண்டையும் வாசித்து முடித்தபோது கட்டுரைத் தொகுதியின் சொல்முறைமை எனக்குப் பிடித்திருந்தது. அப்படிப்பிடித்துப் போகக் காரணம் அவரது வாசிப்பிலும் எழுத்திலும் வெளிப்படும் சூஃபித்துவப் பார்வை. குறிப்பான தத்துவப் பார்வையோடு கவிதைகளை அதிகம் வாசித்துக் காட்டியிருக்கிறார். இலக்கியவாசிப்பில் ஈடுபடுபவர்கள் இப்படியான பார்வையோடு வாசித்து முன்வைக்கும்போது இலக்கியப்பனுவல்கள் புதிய அர்த்தங்களைக் கொண்டதாக வெளிப்பட வாய்ப்புண்டு. இந்நூலின் கட்டுரைகளில் அப்படியான தெறிப்புகள் உள்ளன. அவரது நூல்களை ஜோலார் பேட்டையின் தேநீர் பதிப்பகம் வெளியிட்டுள்ளது.
கவிதை, ஹைக்கூ திறனாய்வு என இலக்கியம் சார்ந்து எழுதும் கோ.லீலாவின் சூழலியல் கட்டுரைகள் தகவல்கள் நிரம்பிய கட்டுரைகளாக மட்டுமல்லாமல் சூழலைக் கவனிக்கத் தூண்டும் கட்டுரைகளாகவும் உள்ளன. வரையாட்டின் குளம்படிகள் (படைப்பு பதிப்பகம், கூத்தப்பாக்கம், கடலூர்) என்ற நூலில் அனைவருக்கும் தெரிந்த கரிச்சான் குருவி, யானை, மைனா, ஆந்தை, எலி, இருவாய்ச்சி, கரையான், புலி, வண்ணத்துப்பூச்சி, நீலகிரி வரையாடு, காக்கா, எறும்பு, வௌவால், மீன்கொத்தி, தேனி, மயில் முதலான உயிரினங்களைப் பற்றிய வாழ்வியல் தகவல்களோடு சூழலியல் பார்வையைத் தருகிறார். அத்தோடு இவ்வுயிரினங்களைப் பற்றிய இலக்கியக் குறிப்புகளைத் தேடித்தந்துள்ளார். திரட்டிய தகவல்களோடு தனது பயணத்தையும் இணைத்துத் தரும் அனுபவத்தையும் தருவதால் நம்மைச் சுற்றிக் காட்டுப்பறவைகளும் விலங்கினங்களும் நடந்தும் பறந்தும் அமர்ந்தும் திரியும் உணர்வு உண்டாகின்றது. புனைவல்லாத எழுத்துகளில் ஆர்வமுள்ளவர்களுக்கு இவ்விரு நூல்களையும் பரிந்துரை செய்கிறேன்.
வரலாறு சார்ந்து இரண்டு நூல்கள்
நாயக்கர் கால இலக்கியங்களைச் சமூகவியல் நோக்கில் முனைவர் பட்டத்திற்காக ஆய்வு செய்த எனக்கு அதிகம் பயன்பட்ட வரலாற்று நூல்கள் ஆர். சத்தியநாதய்யரின் நூல்கள். மதுரை நாயக்கர்கள் பற்றியும் அப்போதிருந்த பாளையக்கார முறை பற்றியும் அவர் எழுதிய ஆங்கில நூல்களை வாசிக்கத் திணறிய காலம் அது. அவையெல்லாம் இப்போது தமிழில் வந்துவிட்டன. மதுரையைக் களமாகக் கொண்டு நாவல்கள் எழுதிய எஸ்.அர்ஷியா மொழிபெயர்ப்பு செய்துள்ளார். கருத்துப்பட்டறை வெளியிட்ட அந்நூலை வெளியிட்டுப் பேசியவர்களில் ஒருவனாக இருந்துள்ளேன்.
சத்தியநாதய்யரின் நூல்களை எனக்கு அறிமுகம் செய்தவர் பேராசிரியர் ஒய்.சுப்பராயலு. ஜப்பான் பேராசிரியர் நொபுரு கரஷிமாவுடன் இணைந்து சோழர்காலக் கல்வெட்டுகளை ஆய்வுசெய்து தமிழக வரலாற்றுக்குப் பங்களிப்பு செய்தவர். அப்போது அவர் மதுரைப் பல்கலைக்கழக வரலாற்றுத்துறையில் விரிவுரையாளராக இருந்தார். பின்னர் தமிழ்ப் பல்கலைக்கழகத்தில் கல்வெட்டு மற்றும் தொல்லியல் துறையின் தலைவராக இருந்தவர். அவரோடு நேரடிப் பழக்கமும் உரையாடலும் உண்டு. அந்த நேரத்தில் மதுரைப் பல்கலைக்கழகத்தின் வரலாற்றுத்துறைத் தலைவராக இருந்தவர் பேரா.கு.ராஜய்யன். வரலாற்றை அரசியல் வரலாறாக மட்டும் படிக்க நினைக்கும் வரலாற்றுத்துறை மாணவர்களுக்கு கு.ராஜய்யனின் நூல்கள் அதிகம் பயன்படும்.
கு.ராஜய்யன் எழுதிய மதுரை வரலாறு என்ற நூல் பின்னிடைக் காலத்து வரலாறு - நிலவுடைமையின் வீழ்ச்சியைத் தொடங்கிவைத்த காலனிய காலகட்டத்தைப் பற்றிய நூல். ஒருவிதத்தில் சத்தியநாதய்யரின் மதுரை நாயக்கர் வரலாற்றின் தொடர்ச்சி. இப்போது தமிழில் வந்துள்ளது. மொழிபெயர்ப்புக்காகச் சாகித்ய அகாதெமி விருதுபெற்ற சா.தேவதாஸ் மொழிபெயர்த்துள்ளார். இந்நூலையும் கருத்துப்பட்டறையே வெளியிட்டுள்ளது.
கருத்துப்பட்டறை வெளியிட்டுள்ள இன்னொரு முக்கியமான நூல் ‘தமிழக நகரங்கள் நகரமயமாக்கல்- வரலாற்றியலும் தொல்லியலும்’ . இந்நூல் ஒரு தொகுப்பு நூல். 16 ஆய்வுக்கட்டுரைகள் தொகுக்கப்பட்டுள்ளன. தொகுப்பினை மேற்கொண்ட பெ.க.பெரியசாமி ராஜாவும் ந.இரத்தினக்குமாரும் தொகுப்பின் முதல், கடைசிக்கட்டுரையை எழுதியிருக்கிறார்கள். மற்ற கட்டுரைகளை எழுதியவர்கள் இரா.அறவேந்தன், பழ.அதியமான், ஆர்.பாலகிருஷ்ணன், மயிலை.சீனி. வேங்கடசாமி, பெ.ஜெயசங்கர், கோ.சசிகலா, ஜெயஸ்ரீ வெங்கடதுரை, வீ.செல்வகுமார், கே.வி.இராமன், ர.பூங்குன்றன், ப.மோகன் குமாரமங்கலம், சு.கண்ணன், வி.எம்.எஸ். சுபகுணராஜன், பக்தவச்சல பாரதி.
தொழில் வளர்ச்சிக்குப் பின் உருவான கலைச்சொல் நகர்மயமாக்கல். அதனை உள்வாங்கி எழுதப்பெற்ற கட்டுரைகள் இத்தொகுப்பில் இருக்குமென்ற எனது எதிர்பார்ப்பை நூல் நிறைவேற்றவில்லை. ஆனால் தமிழக வரலாற்றை வெளிசார்ந்த ஒன்றாகப் பார்க்கும் பார்வையோடு கூடிய கட்டுரைகளைக் கொண்டதாக இருந்தது என்பதால் எனது ஆர்வத்தைத் திசைமாற்றிக் கொண்டு வாசித்தேன். அந்த நோக்கில் இந்நூலின் கட்டுரைகள் முக்கியமானவை. இந்நூலின் பதிப்பாசிரியர்கள் கட்டுரையாளர்களைப் பற்றிய சிறு அறிமுகத்தைக் கொடுத்திருந்தால் ஆர்வமுள்ளவர்கள் கட்டுரையாளர்களின் மற்ற நூல்களைத் தேடி வாசிக்க உதவியாக இருந்திருக்கும்.
நகர்மயமாதல், தொழில் மயமாதல் நோக்கில் தமிழ்நாட்டுப் பெருநகரங்களான சென்னை, கோவை, ஈரோடு, திருப்பூர், தூத்துக்குடி, திருச்சி, சேலம் பற்றி நூல்கள் எழுதப்பட வேண்டும். புனைகதை ஆசிரியர்கள் நாவல்களை எழுதியிருக்கிறார்கள். ஆனால் அதனைச் செய்ய வேண்டியவர்கள் பொருளாதாரத்துறையினர். தமிழ் நாட்டுப் பல்கலைக்கழகப் பொருளாதாரத்துறையினர் இதுபோன்ற பொருண்மைகளில் கவனம் செலுத்துவது குறைவு. கவனம் செலுத்தினாலும் தமிழில் எழுத மாட்டார்கள். சென்னை வளர்ச்சி மையம் போன்ற ஒன்றிரண்டு ஆய்வகங்களில் செய்யப்படும் ஆய்வுகள் வாசிக்கக் கிடைக்கின்றன என்றாலும் ஆங்கிலமே வெளிப்பாட்டு மொழியாக இருக்கிறது.
மதுரை கருத்துப்பட்டறை வெளியிட்ட இவ்விரு நூல்களையும் மதுரை புத்தகக்கண்காட்சியில் வாங்கினேன். சென்னைப் புத்தகக் கண்காட்சியிலும் கிடைக்கும். துறைசார்ந்த - அறிவுப்புல நோக்கம் கொண்ட வாசகர்கள் இவற்றை வாங்கி வைத்துக்கொள்ளுங்கள். அடுத்த தலைமுறைக்கும் பயன்படும்.
ஒரு திறனாய்வாளரின் நூல்கள்
இலக்கியமாணவனாக நினைக்கத் தொடங்கி, இலக்கியத்திறனாய்வு ஆசிரியனாக ஆனவன் நான். சிற்றிதழ் வாசிப்பில் அறிமுகமான க.நா.சு.வும், வெ.சாமிநாதனும் காரணங்களைச் சொல்லாமல் பெயர்களை முன்வைக்கிறார்கள் என்பதை உணர்த்தியவர் சி.சு.செல்லப்பா. அவரது விமரிசனப்பார்வையில் பனுவலுக்குள் நின்று பேசும் ஓர் ஒழுங்கு உண்டு. அந்த ஒழுங்கைத்தாண்டிப் பனுவல்களைச் சூழலில் வைத்து வாசிக்கவேண்டும்; பனுவல்களுக்குள் இருக்கும் தரவுகளையும் நிகழ்வுகளையும் காலப்பின்னணியில் காரணகாரியங்களோடும், தர்க்கபூர்வமாகவும் விவாதிக்க வேண்டும். அதன் மூலம் ஒரு கருதுகோளை நிறுவிக்காட்ட முடியும் என்ற திறனாய்வு முறையியலைக் கற்பித்த முன்னோடிகள் இலங்கையின் பேராசிரியர்கள் க.கைலாசபதியும், கா.சிவத்தம்பியும். அவர்களின் பாதையில் முதன்மையாகக் கல்விப்புலங்களுக்குள் அறிமுகமான தமிழக முன்னோடித் திறனாய்வாளர் கோ.கேசவன். அவரது பள்ளு இலக்கியம் - ஒரு சமூகவியல் பார்வை, மண்ணும் மனிதர்களும் என்ற இரண்டு நூல்களும் வாசிப்புத்திளைப்பை உருவாக்கிய திறனாய்வு நூல்கள்.
2022 இல் கோ.கேசவனின் அனைத்து நூல்களும்
1.தமிழ்ச் சமூகவரலாறு - இலக்கியம்
2.தலித்தியம்
3.மார்க்சியம்
4. இயக்கங்கள்
5.பொதுக்கட்டுரைகள்
என ஐந்து தொகுப்புகளாக கோ.கேசவன் அறக்கட்டளை மூலம் வெளியீடு செய்யப்பட்டுள்ளன. ஆய்விலும் திறனாய்விலும் ஆர்வமுள்ளவர்கள் தேடி வாங்கிவிடுங்கள்.
செ. ரவீந்திரன்: அரங்கியல் நூல்கள் இரண்டு
கால் நூற்றாண்டுக்காலம் நவீன நாடகங்களோடு தனது ஒளியமைப்புப் பணிமூலம் இணைத்துக்கொண்டவர். அவர் ஒளியமைத்த 20 -க்கும் மேற்பட்ட நாடகங்களைப் பார்த்திருக்கிறேன். குறிப்பாகக் கூத்துப்பட்டறை, சங்கரதாஸ் சுவாமிகள் நாடகப்பள்ளி, பேரா. சே.ராமானுஜம் இயக்கிய நாடகங்கள் எனப் பலவற்றைத் தனது ஒளியமைப்பின் மூலம் அழகூட்டி அர்த்தப்படுத்தியவர் பேரா.செ.ரவீந்திரன். நாடக நிகழ்வுகளுக்கு ஒளியமைப்புச் செய்யத் தொடங்குவதற்குப் பல ஆண்டுகளுக்கு முன்பே தனது நாடகவியல் தொடர்பை எழுத்துக்கள் மூலமாக வெளிப்படுத்தியவர். எனது மாணவப்பருவத்திலேயே அவரது கட்டுரைகளை யாத்ரா(1981) வில் வாசித்தவன். இப்போது அவர் தமிழில் எழுதிய நிகழ்த்துக்கலை சார்ந்த கட்டுரைகள் ஒரு தொகுப்பாகவும், ஆங்கிலத்தில் எழுதிய கட்டுரைகள் இன்னொரு தொகுப்பாகவும் போதிவனம் பதிப்பகம் மூலம் இந்த ஆண்டு அச்சில் வந்துள்ளன. தமிழின் நிகழ்த்துக்கலை மரபை அறியும் ஆர்வமும் ஆய்வு நோக்கில் அவற்றைப் புரிந்துகொள்ளும் விருப்பமும் உள்ளவர்கள் இந்த இரண்டு நூல்களையும் தவறாது வாங்கிவிடுங்கள்.
1.தமிழக நிகழ்த்துக்கலை - மரபின் வேர்களைத் தேடி
2. Performing Arts in Ancient Tamil society
முகநூலில் எழுதிய இந்தக் குறிப்புகள் புத்தகம் வாங்கிப் படிக்க நினைப்பவர்களுக்கு உதவும். தேடும்போது பெயர்கள் நினைவில் வரும் அல்லவா?
கவிதைகள்
முன்பு இதழ்களில் வரும் கவிதைகளை வாசித்து வாசித்து கவிகள் பற்றிய மதிப்பீடு உருவாகிவரும். அம்மதிப்பீட்டை ஒட்டிப் பின்னர் தொகுதிகள் வரும்போது வாங்கலாமா? வேண்டாமா? என்று முடிவு செய்வேன். இப்போது அந்த இடத்தை முகநூலின் பங்கும் முடிவு செய்கிறது. இதழ்களில் வரும் கவிதைகளைத் தாண்டி முகநூல் கவிதைகளும் வாங்கிப் படிக்கவேண்டிய கவிகளின் பட்டியலை உருவாக்குகின்றன
இந்தப் புத்தகக் காட்சியில் ஏற்கெனவே பெருங்கவிகளாக வலம்வரும் கவிகளின் பெருந்தொகுதிகளும் புதிய தொகுதிகளும் வருவதாக விளம்பரங்கள் காட்டுகின்றன. கவிதை வாசிப்பில் ஆர்வமும் விருப்பமும் இருப்பவர்கள் பின்வரும் பெருங்கவிகளின் தொகுப்புகளையும் புதிய தொகுப்புகளையும் வாங்கலாம்1. யவனிகா ஸ்ரீராம்2. ரியாஸ் குரானா/இலங்கை3.சுகுமாரன்4.மனுஷ்யபுத்திரன்5.கருணாகரன்/ இலங்கை6. சுகிர்தராணி7.இளங்கோ கிருஷ்ணன்
இவர்கள் அல்லாமல் கடந்த இரண்டு ஆண்டுகளில் வாசித்துப் பிடித்துப் போன கவிகளென ஒரு பட்டியல் உண்டு. சிலரது கவிதைகள் குறித்து எனது வலைப்பூவில் கட்டுரைகள் உள்ளன.
1.மின்ஹா - நாங்கூழ், கடல், காற்று, கங்குல் - இலங்கை
2. மா.காளிதாஸ் - பெருஞ்சொல்லின் குடல்,
3 ஸ்டாலின் சரவணன் - ரொட்டிகளை விளைவிப்பவன்
4. அ.ரோஸ்லின் - வாழைக்குலைக்கும் பிரபஞ்சம்
5. பெரு .விஷ்ணுகுமார் - ழ என்ற பாதையில் நடப்பவன்
6. அம்பிகா குமரன் - காலம்
7. ஜிதேந்திரன் - கல்சூடாக இருக்கிறது
8. ரூபன் சிவராஜா- எழுதிக் கடக்கின்ற தூரம் (புலம்பெயர்)
9. சுகன்யா ஞானசூரியின் நாடிலி (அகதி/ இந்தியா)
10 தில்லை- விடாய்/இலங்கை
11.தேவசீமா- வைன் என்பது குறியீடல்ல:
12. கண்ணம்மா -சன்னத்தூறல்
13 கவிதா லட்சுமி- சிகண்டி/ நார்வே
14 லறீனா- ஷேக்ஸ்பியரின் காதலி/ இலங்கை
15. இன்பா -கீச்சொலிகள்-சிங்கப்பூர்
16. ஸ்ரீவள்ளி -பொல்லாத மைனாக்கள்
17அம்பிகா வர்ஷினி -இந்த இரவு ஒரு சிறிய நூலகம்
18 ஆ.திராவிடமணி-கௌதமருக்காகக் காத்திருக்கிறேன்
19 ரியாலாஸ் -யசோதரையின் வீடு / இலங்கை
20.மைக்கல் கொலின்-இவனைச் சிலுவையில் அறையுங்கள் -இலங்கை
நாவல் இலக்கியம்
தமிழ் இலக்கியம் உலகத் தமிழ் இலக்கியமாக விரிவடைந்து கொண்டிருக்கிறது என்பதைப் பேசும் நோக்கத்தோடு கடந்த இரண்டு ஆண்டுகளில் வாசித்த இந்த நாவல்களில் பலவும் புலம்பெயர்ந்த / ஈழத்தமிழ் நாவல்கள். நீங்களும் வாசிக்கலாம் என்று பரிந்துரை செய்கிறேன். சிலவற்றைப் பற்றி எழுதியிருக்கிறேன்.
1.தாமரைச் செல்வி - உயிர்வாசம் (அவுஸ்திரேலியப் பின்னணி)2. ஈழவாணி -கொச்சிக்கடா ( இந்தியப்பின்னணி)3.ஏதிலி - அ.சி.விஜிதரன்(இந்தியப்பின்னணி4. குமிழி - ரவி (இந்தியப்பின்னணி5. சயந்தன் - அஷோரா6..ஷோபா சக்தி - இக்சா (போர்க்காலம்)7. கோ.புண்ணியவான் - கையறு ( மலேசியா/ இரண்டாம் உலகப்போர் பின்னணி)8.ஆசி.கந்தராசா - ஒரு அகதியின் பேர்ளின் வாசல் (ஜெர்மனி/ போருக்கு முன்னும் போர்க்காலத்திலும்)9.நாகரத்தினம் கிருஷ்ணா -சைகோன் புதுச்சேரி -( வியட்நாம்)
*************
இவை தவிர வாசித்த தமிழ்நாட்டு நாவல்கள்:
இவை தவிர வாசித்த தமிழ்நாட்டு நாவல்கள்:
1.எஸ்.ராமகிருஷ்ணன் - சஞ்சாரம்2.இமையம் - இன்னும் உயிரோடிருக்கிறேன், வாழ்க! வாழ்க!!3.சரவணன் சந்திரன் - அத்தாரோ4.அல்லி பாத்திமா - பாண்டிச்சி5. சோ.தர்மன் -பதிமூனாவது மையவாடி6.சுகுமாரன் - பெருவலி
சிறுகதைகள்
அறியப்பட்ட எழுத்தாளர்களின் கதைகளுக்கு இணையாகப் புதிய எழுத்தாளர்களின் கதைகளை வாசித்த ஆண்டுகளாகக் கடந்த மூன்றாண்டுகளைச் சொல்லலாம். குறிப்பாகக் கோவிட் தொற்றுக்காலம் இணையத்தில் வாசிப்பை அதிகப்படுத்தியிருப்பதால் இந்த மாற்றம் நிகழ்ந்தது என்று சொல்லலாம்.
2022 -இல் கடையாக வாசித்த கதைத் தொகுதி ஹேமிகிருஷின் நெட்டுயிர்ப்பு. அதேபோல் தொகுதியின் எல்லாக்கதைகளையும் வாசித்து முன்னுரை எழுதிய தொகுப்புகள்: பிரமிளா பிரதீபனின் விரும்பித் தொலையும் ஒரு காடு, அம்பிகா வர்ஷினியின் சிதைமுகம், எல்லாஅக்கதைகள் பற்றி விரிவாக எழுதியிருக்கிறேன். இமையத்தின் தாலிமேல சத்தியம் தொகுப்பின் கதைகள் எல்லாவற்றையும் வாசித்திருக்கிறேன். சுஜித் லெனின் தொகுப்பு வந்திருக்கிறது. அவரது பெரும்பாலான கதைகள் வாசிக்கப்பட்ட கதைகள். சாகித்ய அகாதெமி வெளியிட்டுள்ள தொகைநூலையும் வாங்கி வைத்துள்ளேன். அதில் உள்ள கதைகள் பாதிக்கு மேல் முன்பே வாசித்தவை.
இவர்கள் அல்லாமல் யாவரும் பதிப்பகம் வெளியிட்டுள்ள் ---& பிறகதைகள் என்ற வகைமைத் தொகுப்புகளாக 2022 இல் வந்த தொகுப்புகளை வாசித்திருக்கிறேன்.
அறியப்பட்ட எழுத்தாளர்களின் கதைகளுக்கு இணையாகப் புதிய எழுத்தாளர்களின் கதைகளை வாசித்த ஆண்டுகளாகக் கடந்த மூன்றாண்டுகளைச் சொல்லலாம். குறிப்பாகக் கோவிட் தொற்றுக்காலம் இணையத்தில் வாசிப்பை அதிகப்படுத்தியிருப்பதால் இந்த மாற்றம் நிகழ்ந்தது என்று சொல்லலாம்.
2022 -இல் கடையாக வாசித்த கதைத் தொகுதி ஹேமிகிருஷின் நெட்டுயிர்ப்பு. அதேபோல் தொகுதியின் எல்லாக்கதைகளையும் வாசித்து முன்னுரை எழுதிய தொகுப்புகள்: பிரமிளா பிரதீபனின் விரும்பித் தொலையும் ஒரு காடு, அம்பிகா வர்ஷினியின் சிதைமுகம், எல்லாஅக்கதைகள் பற்றி விரிவாக எழுதியிருக்கிறேன். இமையத்தின் தாலிமேல சத்தியம் தொகுப்பின் கதைகள் எல்லாவற்றையும் வாசித்திருக்கிறேன். சுஜித் லெனின் தொகுப்பு வந்திருக்கிறது. அவரது பெரும்பாலான கதைகள் வாசிக்கப்பட்ட கதைகள். சாகித்ய அகாதெமி வெளியிட்டுள்ள தொகைநூலையும் வாங்கி வைத்துள்ளேன். அதில் உள்ள கதைகள் பாதிக்கு மேல் முன்பே வாசித்தவை.
இவர்கள் அல்லாமல் யாவரும் பதிப்பகம் வெளியிட்டுள்ள் ---& பிறகதைகள் என்ற வகைமைத் தொகுப்புகளாக 2022 இல் வந்த தொகுப்புகளை வாசித்திருக்கிறேன்.
இந்த ஆண்டுக்கும் அந்த வகைமைத் தொகுப்புகள் பலவற்றை வெளியிட்டுள்ளது யாவரும். அத்தொகுப்புகளில் இருக்கும் ஒன்றிரண்டு கதைகளாவது நான் வாசித்த கதைகளாகவே இருக்கும். இவ்வகைத் தொகுப்புகளின் ஆசிரியர்கள் கடந்த 10 ஆண்டுகளுக்குள் எழுத வந்தவர்கள். அவர்கள் புதுவகைச் சொல்முறையிலும் புதிய வெளிகளிலும் உலகமயச் சூழலைச் சந்திக்கும் தமிழ் மனிதர்களை எழுதுகிறார்கள் என்பது குறிப்பிடத்தக்க ஒன்று. சமகாலச் சிறுகதைகளைத் தேடுபவர்கள் நேராகச் செல்லவேண்டிய பதிப்பகம் யாவரும். காலச்சுவடுவில் குமாரநந்தனின் தொகுப்பும் எம். குலசேகரனின் தொகுப்பும் வந்துள்ளதாக அறிகிறேன். அவர்களின் கதைகளில் பெரும்பாலானவற்றை வாசித்திருக்கிறேன்.
இவர்களோடு அறியப்பட்ட எழுத்தாளர்களான பாவண்ணன், யுவன் சந்திரசேகர்,வண்ணதாசன், தேவிபாரதி, ஜெயமோகன், எஸ்.ராமகிருஷ்ணன், இந்திரா பார்த்தசாரதி, உமா மகேஸ்வரி, அம்பை, போகன் சங்கர், வண்ணநிலவன், தமயந்தி,சுரேஷ் பிரதீப், சரவணன் சந்திரன், சுனில் கிருஷ்ணன், முதலானவர்களின் கதைகள் அச்சிதழ்கள், இணைய இதழ்களில் வரும்போது வாசித்துவிடுகிறேன். அவர்களின் தொகுதிகளை வாங்கி வாசிக்கவில்லை. அதனால் தொகுதிகளைப் பரிந்துரைக்க இயலவில்லை. இந்த வகைப்பாட்டிற்குள் புலம்பெயர் எழுத்தாளர்களின் பெயர்களையும் சேர்க்கவேண்டும். இருவகை இதழ்களிலும் கண்ணில் தட்டுப்பட்டால் வாசிக்கும் சிறுகதைக்காரர்களாக ஷோபாசக்தி, கலாமோகன், இளங்கோ, தெய்வீகன், நோயல் நடேசன், தமிழ்நதி, அகரமுதல்வன், கருணாகரமூர்த்தி, ஆ.சி.கந்தையா, அனோஜன், மாஜிதா, கறுப்பு சுமதி முதலானோர் இருக்கிறார்கள். மலேசிய எழுத்தாளர்களான வல்லினம் நவீன், பாலமுருகன், சிங்கப்பூரிலிருந்து சிறுகதைகள் எழுதும் சித்துராஜ் பொன்ராஜ், ஜெயந்திசங்கர், ஹேமா, சுஜா செல்லப்பன் போன்றவர்களும் இருக்கிறார்கள். இவர்களுக்கும் கடந்த ஆண்டோ, இந்த ஆண்டோ தொகுதிகள் வந்திருக்கலாம். நான் பார்க்கவில்லை. வந்திருந்தால் வாங்கிப் படிக்கலாம். ஏமாற்றம் தராத கதைசொல்லிகள்
கவிதைகள்
2022 -இல் கடையாக வாசித்த கவிதைத் தொகுதி தேன்மொழிதாஸின் முருகியம். அதுபற்றி விரிவாகப் பேசவேண்டும். இந்த ஆண்டு வாசித்த தொகுதிகளில் பிடித்த கவிதைகள் கொண்ட தொகுதிகள். இவற்றை வாசிக்கவேண்டிய கவிதைத் தொகுதிகளாகப் பரிந்துரைக்கின்றேன். இந்த ஆண்டு வாசித்த கவிதைத் தொகுதிகள். இவை பற்றி எனது வலைப்பூவில் ஏற்கெனவே எழுதியிருக்கிறேன்
நவீனத்துவத்திற்குப் பின்னான தமிழ் எழுத்துகளை வாசிப்பதற்கு மேற்கத்திய வாசிப்புப் பார்வைகளே உதவும் என்ற நிலை இப்போதும் இருக்கிறது. ஆனால் நவீனத்துவ இலக்கியங்களோடு வளர்ந்த கல்விப்புலத்தைச் சேர்ந்த தமிழ்ப் பேராசிரியர்கள் தொடர்ந்து அவற்றை வாசிக்கத் தமிழ் இலக்கண நூலான தொல்காப்பியத்தின் இலக்கியக் கொள்கைகள் உதவும் என வலியுறுத்திக் கட்டுரைகள் எழுதிக் கொண்டே இருக்கிறோம். அதே நேரம் எல்லாம் தொல்காப்பியத்தின் இலக்கணங்களே போதும் என்ற பார்வையை முன்வைப்பதும் இல்லை. மேற்கத்தியப் பார்வையையும் தொல்காப்பியப் பார்வையையும் இணைத்துக் கொள்ளும் நிலையில் கூடுதல் புரிதல்கள் கிடைக்கும் என்பது அதன் பின்னுள்ள நிலைபாடு.
இந்த நோக்கத்தில் கவிதைகளை வாசித்துக் காட்டிக் கட்டுரைகள் எழுதிய முன்னோடிப்பேராசிரியர் சி.க. என அழைக்கப்பட்ட சி.கனகசபாபதி.மரபுக்கவிதையை மறுதலித்துப் புதுக்கவிதையாகத் தங்கள் வசன கவிதையை முன்வைத்த கட்டுரைகளை அதிகம் வெளியிட்ட எழுத்து இதழிலேயே எழுதினார். அதேபோல் அமைப்பியலைத் தமிழுக்கு அறிமுகம் செய்த தமிழவனும் நவீனத் தமிழ்க்கவிதைகளை வாசிப்பதில் தொல்காப்பியத்தின் செய்யுளியல் பயன்படும் எனத் தொடர்ந்து சொல்லிக் கொண்டிருக்கிறார்;வாசித்துக் காட்டியிருக்கிறார். இந்தப் பாதையில் கவிதையியலைக் குறித்து தொடர்ந்து எழுதும் பேராசிரியர் க.பூரணச்சந்திரன். அவர் கவிதையியல் குறித்து அண்மையில் வெளியிட்டுள்ள நூல் பொருள்கோள். முன்னர் உலகத்தமிழ் ஆராய்ச்சி நிலையம் வெளியிட்டதின் இப்போதைய வடிவத்தை அடையாளம் பதிப்பகம் வெளியிட்டுள்ளது. நானும் எழுதியிருக்கிறேன் என்றாலும் நூலாக ஆக்கவில்லை. விரைவில் ஆக்கவேண்டும். வாங்கி வைத்துக்கொள்ளுங்கள்.
மரபுக்கவிதைகளின் தேக்க நிலையை உணர்ந்து வசனகவிதையைப் புதுக்கவிதையாக முன்மொழிந்து வளர்த்த இதழ்களில் செல்லப்ப்பாவின் எழுத்து முன்னோடி இதழ். அதில் சி.க.போன்றவர்கள் தொல்காப்பியக் கவிதையியலை முன்வைத்த போதிலும் அது முழுமையான அங்கீகாரம் பெறவில்லை. மேற்கத்தியப்பார்வையோடு சம்ஸ்க்ருதத்தின் கவிதையியலை உள்வாங்கிய பார்வையே முதன்மை பெற்றது. அந்தப் பார்வையில் நவீனக் கவிதைகளை வாசித்துக் காட்டியவர்களின் பட்டியல் நீளமானது. தங்களைச் சிற்றிதழ் மரபினராகக் கருதிக்கொள்ளும் அவர்களில் பெரும்பாலோர் புதுக்கவிதைகள் எழுதும் கவிதைக்காரர்களும்கூட. கவிகளாகவும் கவிதை வாசிப்பாளர்/ விமரிசகர்களாக நினைத்துக் கொள்பவர்கள். அந்தப் பட்டியலில் கவிதையின் அந்தரங்கம் என்ற நூலின் மூலம் தன்னை இணைத்துக் கொண்டுள்ளார் க.வை. பழனிசாமி. எழுத்துப் பாரம்பரியத்தைப் பல நிலைகளில் தொடரும் காலச்சுவடு பதிப்பகம் இந்நூலை வெளியிட்டுள்ளது. வாங்கிப் படிக்கவேண்டிய நூல்களில் ஒன்று.
*****************************************
தன்னுணர்வான சிந்தனை வெளிப்பாடு.
இந்தப் புத்தகத்தை அதன் ஆசிரியர் என்னிடம் ஒரு இலக்கிய நிகழ்வில் தந்தார். அவர் தந்தபோது வாங்குவதற்கு யோசித்தேன். அவரது பெயரோ, எழுத்தோ எனக்கு முன்னறிமுகம் இல்லாத ஒன்று என்பது ஒரு காரணம். முகநூலில் வாசித்த நூல்கள் பற்றி அவ்வப்போது ஒருசில வரிகள் எழுதுகிறேன் என்பதை வைத்து முகநூலில் நண்பர்களாக இருப்பவர்களும் பின் தொடர்பவர்களும் தரும் நூல்களை வாங்கிவிட்டு அது குறித்து எழுதவில்லை என்றால் தொடர்ந்து விசாரிப்பார்கள்; வருத்தப்படுவார்கள். கோபப்பட்டவர்களும் உண்டு. என்னிடம் தரப்படும் நூல்களை வாசிக்கத் தொடங்கிய பின் தொடர்ந்து வாசிக்கலாம் என்பதை நூல்களே தீர்மானிக்கின்றன. எழுதலாம் என்பதை அதன் வெளிப்பாடுகளே முடிவு செய்கின்றன.
முன்னறிமுகம் இல்லாத அவர் எனது தயக்கத்தைப் பார்த்து வலியுறுத்தியே தந்தார். எழுத வேண்டும் என்று கட்டாயம் இல்லை; ஆனால் வாசித்துப் பாருங்கள் என்று சொல்லிவிட்டுத் தந்தார். மறுக்காமல் வாங்கிக் கொண்டேன். எல்லாமே இலவசம் என்ற தலைப்போடு ‘ இந்தியாவில் இலவச காய்கறி புரட்சி என்ற துணைத் தலைப்பும்’ கிராமியப் பொருளாதாரம் குறித்த நூல் என்ற நினைப்புதான் வாசிக்கத்தூண்டியது. நான் நினைத்ததுபோலவே கிராமியத்தன்னிறைவுப் பொருளாதாரம் குறைத்தே அந்நூல் விளக்கிக் கொண்டே போனது. ஒவ்வொரு பக்கங்களிலும் அவர் விளக்கும் முறை வெளியிலிருந்து பார்த்து, ஆய்வு நோக்கில் விசாரித்து எழுதியனவாக இல்லாமல் ஒவ்வொன்றையும் உள்ளாளாக இருந்து உணர்ந்து புரிந்துகொண்டு எழுதியனவாக இருந்தன.
இந்திய விவசாயத்தின் அனைத்து மூலப்பொருட்கள் குறித்தும் நிலம், நீர், விதை, விளைச்சல், பங்கீடு, விற்பனை என விரிவாகப் பேசும் நூல் அதன் வழியாக இந்தியக் கிராமங்களில் என்னென்ன மாற்றங்களை முன்னெடுக்க முடியும் என்பதைக் காந்தி சொன்ன குறிப்புகளை விவாதித்துள்ளது. காந்தியச் சிந்தனை, காந்திய வழிமுறை, அவர் முன்வைத்த வாழ்வியல் ஆகியன குறித்து மறுபார்வைகளை இலக்கியவாதிகள் முன்மொழியும் இந்த நேரத்தில் தனது அனுபவம் சார்ந்து கிராமியப்பொருளாதார மறுசீரமைப்பைப் பேசும் இந்நூல் பாரதி சின்னச்சாமியின் இந்நூலும் வாசிக்கவேண்டிய ஒரு நூல்; அதன் வழிமுறைகள் செயல்பாட்டுக்கு வரவேண்டிய தேவை இருக்கிறது. கோயம்புத்தூர், எழில்மதி பதிப்பகம் வெளியிட்டுள்ள இந்நூல் சென்னைப் புத்தகக் காட்சியில் கிடைத்தால் வாங்கிப் படியுங்கள்.
இவர்களோடு அறியப்பட்ட எழுத்தாளர்களான பாவண்ணன், யுவன் சந்திரசேகர்,வண்ணதாசன், தேவிபாரதி, ஜெயமோகன், எஸ்.ராமகிருஷ்ணன், இந்திரா பார்த்தசாரதி, உமா மகேஸ்வரி, அம்பை, போகன் சங்கர், வண்ணநிலவன், தமயந்தி,சுரேஷ் பிரதீப், சரவணன் சந்திரன், சுனில் கிருஷ்ணன், முதலானவர்களின் கதைகள் அச்சிதழ்கள், இணைய இதழ்களில் வரும்போது வாசித்துவிடுகிறேன். அவர்களின் தொகுதிகளை வாங்கி வாசிக்கவில்லை. அதனால் தொகுதிகளைப் பரிந்துரைக்க இயலவில்லை. இந்த வகைப்பாட்டிற்குள் புலம்பெயர் எழுத்தாளர்களின் பெயர்களையும் சேர்க்கவேண்டும். இருவகை இதழ்களிலும் கண்ணில் தட்டுப்பட்டால் வாசிக்கும் சிறுகதைக்காரர்களாக ஷோபாசக்தி, கலாமோகன், இளங்கோ, தெய்வீகன், நோயல் நடேசன், தமிழ்நதி, அகரமுதல்வன், கருணாகரமூர்த்தி, ஆ.சி.கந்தையா, அனோஜன், மாஜிதா, கறுப்பு சுமதி முதலானோர் இருக்கிறார்கள். மலேசிய எழுத்தாளர்களான வல்லினம் நவீன், பாலமுருகன், சிங்கப்பூரிலிருந்து சிறுகதைகள் எழுதும் சித்துராஜ் பொன்ராஜ், ஜெயந்திசங்கர், ஹேமா, சுஜா செல்லப்பன் போன்றவர்களும் இருக்கிறார்கள். இவர்களுக்கும் கடந்த ஆண்டோ, இந்த ஆண்டோ தொகுதிகள் வந்திருக்கலாம். நான் பார்க்கவில்லை. வந்திருந்தால் வாங்கிப் படிக்கலாம். ஏமாற்றம் தராத கதைசொல்லிகள்
கவிதைகள்
2022 -இல் கடையாக வாசித்த கவிதைத் தொகுதி தேன்மொழிதாஸின் முருகியம். அதுபற்றி விரிவாகப் பேசவேண்டும். இந்த ஆண்டு வாசித்த தொகுதிகளில் பிடித்த கவிதைகள் கொண்ட தொகுதிகள். இவற்றை வாசிக்கவேண்டிய கவிதைத் தொகுதிகளாகப் பரிந்துரைக்கின்றேன். இந்த ஆண்டு வாசித்த கவிதைத் தொகுதிகள். இவை பற்றி எனது வலைப்பூவில் ஏற்கெனவே எழுதியிருக்கிறேன்
இளங்கோ கிருஷ்ணன் - வியனுலகு வதியும் பெருமலர்
எம்.டி.முத்துக்குமாரசாமி - ஒரு படிமம் வெல்லும் ஒரு படிமம் கொல்லும்
கருணாகரன் - நினைவின் இறுதி நாட்கள்
இன்பா -லயாங் லயாங் குருவிகளின் கீச்சொலிகள்
தில்லை- விடாய்
அ.ரோஸ்லின் வாலைக்குழைக்கும் பிரபஞ்சம்
மின்ஹா-நாங்கூழ்
பெரு விஷ்ணுகுமார் -ழ என்ற பாதையில் நடப்பவன்
ரூபன் சிவராஜா-எழுதிக் கடக்கின்ற தூரம்.
சுகன்யா ஞானசூரி- நாடிலி.
தேவசீமா- வைன் குறியீடல்ல
அன்புத்தோழி ஜெயஸ்ரீ- தழும்பின்_மீதான_வருடல்கவிதைகளை வாசிக்க இரண்டு நூல்கள்
நவீனத்துவத்திற்குப் பின்னான தமிழ் எழுத்துகளை வாசிப்பதற்கு மேற்கத்திய வாசிப்புப் பார்வைகளே உதவும் என்ற நிலை இப்போதும் இருக்கிறது. ஆனால் நவீனத்துவ இலக்கியங்களோடு வளர்ந்த கல்விப்புலத்தைச் சேர்ந்த தமிழ்ப் பேராசிரியர்கள் தொடர்ந்து அவற்றை வாசிக்கத் தமிழ் இலக்கண நூலான தொல்காப்பியத்தின் இலக்கியக் கொள்கைகள் உதவும் என வலியுறுத்திக் கட்டுரைகள் எழுதிக் கொண்டே இருக்கிறோம். அதே நேரம் எல்லாம் தொல்காப்பியத்தின் இலக்கணங்களே போதும் என்ற பார்வையை முன்வைப்பதும் இல்லை. மேற்கத்தியப் பார்வையையும் தொல்காப்பியப் பார்வையையும் இணைத்துக் கொள்ளும் நிலையில் கூடுதல் புரிதல்கள் கிடைக்கும் என்பது அதன் பின்னுள்ள நிலைபாடு.
இந்த நோக்கத்தில் கவிதைகளை வாசித்துக் காட்டிக் கட்டுரைகள் எழுதிய முன்னோடிப்பேராசிரியர் சி.க. என அழைக்கப்பட்ட சி.கனகசபாபதி.மரபுக்கவிதையை மறுதலித்துப் புதுக்கவிதையாகத் தங்கள் வசன கவிதையை முன்வைத்த கட்டுரைகளை அதிகம் வெளியிட்ட எழுத்து இதழிலேயே எழுதினார். அதேபோல் அமைப்பியலைத் தமிழுக்கு அறிமுகம் செய்த தமிழவனும் நவீனத் தமிழ்க்கவிதைகளை வாசிப்பதில் தொல்காப்பியத்தின் செய்யுளியல் பயன்படும் எனத் தொடர்ந்து சொல்லிக் கொண்டிருக்கிறார்;வாசித்துக் காட்டியிருக்கிறார். இந்தப் பாதையில் கவிதையியலைக் குறித்து தொடர்ந்து எழுதும் பேராசிரியர் க.பூரணச்சந்திரன். அவர் கவிதையியல் குறித்து அண்மையில் வெளியிட்டுள்ள நூல் பொருள்கோள். முன்னர் உலகத்தமிழ் ஆராய்ச்சி நிலையம் வெளியிட்டதின் இப்போதைய வடிவத்தை அடையாளம் பதிப்பகம் வெளியிட்டுள்ளது. நானும் எழுதியிருக்கிறேன் என்றாலும் நூலாக ஆக்கவில்லை. விரைவில் ஆக்கவேண்டும். வாங்கி வைத்துக்கொள்ளுங்கள்.
மரபுக்கவிதைகளின் தேக்க நிலையை உணர்ந்து வசனகவிதையைப் புதுக்கவிதையாக முன்மொழிந்து வளர்த்த இதழ்களில் செல்லப்ப்பாவின் எழுத்து முன்னோடி இதழ். அதில் சி.க.போன்றவர்கள் தொல்காப்பியக் கவிதையியலை முன்வைத்த போதிலும் அது முழுமையான அங்கீகாரம் பெறவில்லை. மேற்கத்தியப்பார்வையோடு சம்ஸ்க்ருதத்தின் கவிதையியலை உள்வாங்கிய பார்வையே முதன்மை பெற்றது. அந்தப் பார்வையில் நவீனக் கவிதைகளை வாசித்துக் காட்டியவர்களின் பட்டியல் நீளமானது. தங்களைச் சிற்றிதழ் மரபினராகக் கருதிக்கொள்ளும் அவர்களில் பெரும்பாலோர் புதுக்கவிதைகள் எழுதும் கவிதைக்காரர்களும்கூட. கவிகளாகவும் கவிதை வாசிப்பாளர்/ விமரிசகர்களாக நினைத்துக் கொள்பவர்கள். அந்தப் பட்டியலில் கவிதையின் அந்தரங்கம் என்ற நூலின் மூலம் தன்னை இணைத்துக் கொண்டுள்ளார் க.வை. பழனிசாமி. எழுத்துப் பாரம்பரியத்தைப் பல நிலைகளில் தொடரும் காலச்சுவடு பதிப்பகம் இந்நூலை வெளியிட்டுள்ளது. வாங்கிப் படிக்கவேண்டிய நூல்களில் ஒன்று.
*****************************************
தன்னுணர்வான சிந்தனை வெளிப்பாடு.
இந்தப் புத்தகத்தை அதன் ஆசிரியர் என்னிடம் ஒரு இலக்கிய நிகழ்வில் தந்தார். அவர் தந்தபோது வாங்குவதற்கு யோசித்தேன். அவரது பெயரோ, எழுத்தோ எனக்கு முன்னறிமுகம் இல்லாத ஒன்று என்பது ஒரு காரணம். முகநூலில் வாசித்த நூல்கள் பற்றி அவ்வப்போது ஒருசில வரிகள் எழுதுகிறேன் என்பதை வைத்து முகநூலில் நண்பர்களாக இருப்பவர்களும் பின் தொடர்பவர்களும் தரும் நூல்களை வாங்கிவிட்டு அது குறித்து எழுதவில்லை என்றால் தொடர்ந்து விசாரிப்பார்கள்; வருத்தப்படுவார்கள். கோபப்பட்டவர்களும் உண்டு. என்னிடம் தரப்படும் நூல்களை வாசிக்கத் தொடங்கிய பின் தொடர்ந்து வாசிக்கலாம் என்பதை நூல்களே தீர்மானிக்கின்றன. எழுதலாம் என்பதை அதன் வெளிப்பாடுகளே முடிவு செய்கின்றன.
முன்னறிமுகம் இல்லாத அவர் எனது தயக்கத்தைப் பார்த்து வலியுறுத்தியே தந்தார். எழுத வேண்டும் என்று கட்டாயம் இல்லை; ஆனால் வாசித்துப் பாருங்கள் என்று சொல்லிவிட்டுத் தந்தார். மறுக்காமல் வாங்கிக் கொண்டேன். எல்லாமே இலவசம் என்ற தலைப்போடு ‘ இந்தியாவில் இலவச காய்கறி புரட்சி என்ற துணைத் தலைப்பும்’ கிராமியப் பொருளாதாரம் குறித்த நூல் என்ற நினைப்புதான் வாசிக்கத்தூண்டியது. நான் நினைத்ததுபோலவே கிராமியத்தன்னிறைவுப் பொருளாதாரம் குறைத்தே அந்நூல் விளக்கிக் கொண்டே போனது. ஒவ்வொரு பக்கங்களிலும் அவர் விளக்கும் முறை வெளியிலிருந்து பார்த்து, ஆய்வு நோக்கில் விசாரித்து எழுதியனவாக இல்லாமல் ஒவ்வொன்றையும் உள்ளாளாக இருந்து உணர்ந்து புரிந்துகொண்டு எழுதியனவாக இருந்தன.
இந்திய விவசாயத்தின் அனைத்து மூலப்பொருட்கள் குறித்தும் நிலம், நீர், விதை, விளைச்சல், பங்கீடு, விற்பனை என விரிவாகப் பேசும் நூல் அதன் வழியாக இந்தியக் கிராமங்களில் என்னென்ன மாற்றங்களை முன்னெடுக்க முடியும் என்பதைக் காந்தி சொன்ன குறிப்புகளை விவாதித்துள்ளது. காந்தியச் சிந்தனை, காந்திய வழிமுறை, அவர் முன்வைத்த வாழ்வியல் ஆகியன குறித்து மறுபார்வைகளை இலக்கியவாதிகள் முன்மொழியும் இந்த நேரத்தில் தனது அனுபவம் சார்ந்து கிராமியப்பொருளாதார மறுசீரமைப்பைப் பேசும் இந்நூல் பாரதி சின்னச்சாமியின் இந்நூலும் வாசிக்கவேண்டிய ஒரு நூல்; அதன் வழிமுறைகள் செயல்பாட்டுக்கு வரவேண்டிய தேவை இருக்கிறது. கோயம்புத்தூர், எழில்மதி பதிப்பகம் வெளியிட்டுள்ள இந்நூல் சென்னைப் புத்தகக் காட்சியில் கிடைத்தால் வாங்கிப் படியுங்கள்.
.jpg)
கருத்துகள்