வரையப்பட்ட பெண்கள்

டிக்டேக், ரீல்ஸ் போன்ற சின்னச் சின்னக் காணொளிக் காட்சிகளில் பெண்களின் உடல் முழுமையாகவும், நளினமான வளைவுகள் என நம்பும் பகுதிகளும் முன்வைக்கப்படுகின்றன. உடலின் ரகசியங்களை முன்வைப்பதின் நோக்கங்களைக் காமத்தின் பகுதியாக நினைக்கும் பார்வைக்கு மாறாக உடலரசியலின் தெரிவாகச் சொல்லும் சொல்லாடல்களும் உண்டு. இன்ஸ்டாகிராம், பேஸ்புக் போன்றவற்றினிடையே வரிசை கட்டும் பெண்களின் உடல்கள் தரும்


ஒருபடைத் தன்மையான அசைவுகள் ரசனைக் குரியனவாக இருப்பதில்லை. முன்வைக்கப்படும் உடலின் நோக்கங்களுக்குள் பார்ப்பவர்களை இழுத்துச் சென்று சலிப்பில் ஆழ்த்தி விடக் கூடியன. இதற்கு மாறானவை வரையப்பட்ட பெண் உடல்கள்.
கலையின் ரசனையைத் தொடங்க நினைப்பவர்கள் ஓவியக் கலையிலிருந்து தொடங்கவேண்டும் என்பது அரிச்சுவடிப்பாடம். புள்ளிகளை வைத்துக் கோடுகளாக்கி வண்ணங்களால் நிரப்பித் தருவதில் உண்டாக்கும் உலகம் நிதானமானது. கீழ்த்திசை ஓவியர்கள் வன்வண்ணங்களால் இயற்கையை வரைவதில் ஆர்வமுள்ளவர்கள். இயற்கையின் பகுதியாகவே மனிதர்களையும் வரைந்து தருவார்கள்.

வன்வண்ணங்களின் அடுக்குகளிலிருந்து நகர்ந்து செல்லும் மென்மை நோக்கிய நகர்வுக்கு பெண்களை வரைவதைக் காரணியாகக் கொள்வார்கள். இதற்கெதிராக மென்வண்ணங்களாலும் அதன் அடுக்குத்திரைகளாலும் பெண்களை வரையும் மேற்கின் ஓவியங்கள் நிதானமான ரசனையைக் கோருபவை. பெண்களை வரையும் ஓவியர்கள், பெண்களின் ஏதோ ஒரு கணத்தை - அசைவை -உணர்ச்சியின் திரட்சியைக் கட்டிவைத்துக் காட்டுகிறார்கள் என்று தோன்றுகிறது.
வரையப்பட்ட பெண்களின் ஓவியங்கள் ஒவ்வொன்றையும் விவாதிக்கும் - விவரிக்கும் சொல்லாடல்கள் ஓவியக் கலையை ரசிப்பதிலிருந்து எழுத்தின் வழியாக உருவாக்கப்படும் சித்திரிப்புகளை ரசிப்பனவாக மாறிவிடும் வாய்ப்புகள் உண்டு. அதிலும் கவிதையை ரசிக்க விரும்புபவர்கள் முதலில் வரையப்பட்ட பெண்களை ரசிக்கப் பழகலாம் என்றுகூடச் சொல்வேன். ஆணாக எனது தெரிவுகள் இங்கே வரையப்பட்ட பெண்களாக

இருக்கிறது. ஒரு பெண் இதன் மாற்றாக வரையப்பட்ட ஆண்களைத் தெரிவு செய்யக்கூடும்.
தொகுத்து வைத்துள்ள வரையப்பட்ட பெண்களில் சிலவற்றை ரசிப்பதற்காகத் தருகிறேன்




கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தி.சு.நடராசனின் திறனாய்வுப் பார்வைகள் :தமிழ் அழகியல், தமிழகத்தில் வைதீக சமயம்

தமிழ் அழகியல்: மரபும் கோட்பாடும்  பேரா. தி.சு. நடராசனின் எழுத்துகளின் மீது ஒட்டுமொத்தப் பார்வையைக் கவனப்படுத்தும் நோக்கத்தோடு திட்டமிடப்பட்ட இக்கருத்தரங்கில் அவரது தமிழ் அழகியல்: மரபும் கோட்பாடும் என்ற நூலின் நோக்கத்தையும் அந்நோக்கத்தை வாசிப்பவர்களிடம் கொண்டு சேர்ப்பதற்குப் பின்பற்றியுள்ள எழுத்து முறைமையையும் தமிழ்ச் சிந்தனை மற்றும் ஆய்வுப்பரப்பில் இந்நூலின் இடம் எத்தகையது என்பதையும் முன்வைக்கிறது இந்தக் கட்டுரை. இலக்கியம் கண்டதற்கு இலக்கணம் என்றொரு சொற்றொடர் நீண்ட காலம் பயன்பாட்டில் இருக்கிறது. இலக்கணம் என்ற சொல்லோடு அழகியல், கலையியல், இலக்கியவியல் போன்ற கலைச்சொற்களையும் சேர்த்துக்கொள்ளலாம். நீண்ட இலக்கியமரபு கொண்ட தமிழ் மொழிக்கு அதன் தொடக்க நிலையிலேயே எழுதப் பெற்ற இலக்கணம் – தொல்காப்பியம் என்னும் இலக்கண நூல் வெற்று இலக்கண நூல் அல்ல; அது ஒரு இலக்கியவியல் கோட்பாட்டை – நவீனத்திறனாய்வு சொல்லாடல்களாகப் பயன்படுத்தும் அழகியல் கோட்பாட்டைப் போன்றது என்பதை விவரிக்கிறது இந்த நூல்.   
முழுவதும் படிக்க

உடல் மறுப்பு என்னும் பெரும்போக்கு

படம்
தமிழின் சித்தர் மரபுக்குள் இருக்கும் பனுவல்களை வாசித்து முடிக்கும்போது சில அடிப்படையான புரிதல்கள் நமக்குக் கிடைக்கலாம். அவர்கள் தொடர்ந்து மனித உடலின் மீதான சந்தேகங்களை எழுப்பியவர்கள். இந்த உடல் எப்படி உருவானது என்ற கேள்வியில் தொடங்கி, எப்படி இயங்குகிறது? இயங்குதலின் விருப்பங்கள் என்ன? இயங்குதலின் மூலம் அவை உருவாக்கும் விளைவுகள் என்ன? என்று தொடர்கேள்விகளை எழுப்புகின்றார்கள்.
முழுவதும் படிக்க

கற்றல் - கற்பித்தல்: மாணவ ஆசிரிய உறவுகள்

எனது கற்பித்தல் முறையை என் மாணவர்கள் அறிவார்கள். எந்தவொரு வகுப்பிலும் நான் தயாரித்துப் போகும் குறிப்புகளை முன்வைப்பதில் தொடங்குவதே இல்லை. அதை மனதில் வைத்துக் கொண்டு, அதை நோக்கி வகுப்பைத் திருப்பும் வகையில் அன்றைய ஒரு நேரடி நிகழ்வை - அல்லது செய்தித்தாள் குறிப்பை முன்வைத்து, ஒரு படத்தை அல்லது பொருளைக் காட்டி -கேள்விகள் கேட்டு, அவர்களைப் பேசவைத்து அந்தப் பேச்சின் வழியாகவே பாடப்பகுதிக்குள் வருவேன். சிவகாசி ஜெயலெட்சுமியின் பரபரப்புச் செய்திகள், நேர்காணல்கள், படங்கள் வழியாக பெண்ணியக் கவிதைகளைப் பாடம் சொன்ன ஞாபகங்கள் - நினைவுகள் இப்போதும் பசுமையாக நினைவில் இருக்கின்றன. இதில் அவர்களுக்கும் பலன் உண்டு; எனக்கும் பலன் உண்டு.
முழுவதும் படிக்க