அ.ராமசாமி எழுத்துகள்

அவ்வப்போது அறிவிப்புகள் மழைக்காக  அவசர அறிவிப்பைச் செய்யும் உரிமையைக் கல்வி நிறுவனங்களின் - பள்ளிகளின் தலைமை ஆசிரியர்களுக்கு வழங்கி அறிவிப்புச் செய்கிறார்கள் மாவட்ட ஆட்சித்தலைவர்கள். இந்த முடிவு வரவேற்கத்தக்க முடிவு. அவசரகாலத்திற்கென அளிக்கப்பட்ட விடுப்புகள் திரும்பவும் மாற்றுப்பணிகள் மூலம் நிரப்பப்பட வேண்டியன என்பதால் அந்தந்த நிறுவனத்தலைவர்களே விடுப்பு அறிவிப்பது தேவையான ஒன்று.

தமிழின் சித்தர் மரபுக்குள் இருக்கும் பனுவல்களை வாசித்து முடிக்கும்போது சில அடிப்படையான புரிதல்கள் நமக்குக் கிடைக்கலாம். அவர்கள் தொடர்ந்து மனித உடலின் மீதான சந்தேகங்களை எழுப்பியவர்கள். இந்த உடல் எப்படி உருவானது என்ற கேள்வியில் தொடங்கி, எப்படி இயங்குகிறது? இயங்குதலின் விருப்பங்கள் என்ன? இயங்குதலின் மூலம் அவை உருவாக்கும் விளைவுகள் என்ன? என்று தொடர்கேள்விகளை எழுப்புகின்றார்கள்.

  அவதூறான பேச்சுகளுக்காக அவர் மீது வழக்குகள் பதியப்பட்டன. தேடப்படும் குற்றவாளியாக அறிவிக்கப்பட்டார் கஸ்தூரி. முன்னாள் நடிகையான கஸ்தூரி தன்னைப் பிராமண சங்கச் செயல்பாட்டாளராக அறிவித்துக் கொள்ளும் நோக்கத்தோடு பேசிய பேச்சுகள் பொதுவெளியில் பதற்றத்தை உருவாக்கக்கூடிய பேச்சுகள் என்ற அடிப்படையில் தான் வழக்குகள் பதியப்பட்டன. அந்த நேரத்தில் அவரது பேச்சுகளைக் கண்டிக்காத பலரும் இப்போது 'பேச்சுரிமை'யின் அடிப்படையில் அரசைக் கண்டிக்கிறார்கள்.

புதிதாக வரும் சமூகக் கட்டமைப்பு தரும் பலன்களை அனுபவித்துக்கொண்டே அதற்கெதிராகச் செயல்படுவதில் வல்லவர்கள் இந்தியர்கள். அதிலும் குறிப்பாகச் சமூகக் கட்டமைப்பில் மேல்தளங்களில் இருக்கும் ஆதிக்கசாதிகள்/ உயர்வர்க்கத்தினர் இந்தத் தள்ளாட்டத்தில் சிக்கியவர்களாகவே இருக்கிறார்கள். பிரித்தானியர்களின் ஆங்கிலக் கல்வியைப் பயன்படுத்திக் கொண்டே - ஆங்கில மொழியைத் தனதாக்கிக் கொண்டே அதற்கெதிராகப் போராட்டங்களை நடத்திய மேல்மட்ட இந்தியர்களின் மனநிலை காலனியாதிக்கத்திற்குப் பின்னரும் மாறவில்லை.

திறனாய்வு என்ன செய்யும்? வாசித்து முடித்த பனுவலின் நுட்பங்களை, எழுத்தாளரின் வாழ்க்கை குறித்த பார்வையை, உருவாக்கும் பாத்திரத்தின் மீதான முழுமையான இருப்பின் நிலைகளைக் கொண்டாடும் அல்லது போதாமையைச் சுட்டிக்காட்டும். அதன் மூலம் ஏற்கெனவே வாசித்தவர்களுக்கு அவர்கள் வாசித்த பனுவல் உருவாக்கும் மகிழ்ச்சியான கணங்களைக் கண்டு சொல்லும் பணியைச் செய்கிறது. அதற்கு மாறாக அந்தப் பனுவலை வாசிக்காமல் இருப்பவர்களை வாசித்துப் பார்க்கும்படி தூண்டும். இந்தக் கட்டுரை அதையே செய்கிறது. ஏற்கெனவே வாசித்தவர்களின் கதைகள் என்றாலும், அச்சிதழ்களில் பார்த்த உடனேயே வாசித்துவிட வேண்டும் என்று தோன்றுவதில்லை. இதழ்களில் அச்சிடப்படும் விதம் சில நேரங்கள் உடனடி வாசிப்பைத் தூண்டுவதுண்டு. அச்சிடப்படும் கதையின் சில வரிகளைப் பெரிதாக்கியோ, சாய்வெழுத்தில் தந்தோ அழுத்தமிட்டுக் காட்டும் இதழாசிரியர்கள் அந்தக் கதையை அல்லது கட்டுரையை வாசிக்கதூண்டும் வேலையைச் செய்ய நினைக்கிறார்கள். அதல்லாமல், கதையை எழுதியவர், கதைக்கு வைக்கும் தலைப்புகள் உடனடி வாசிப்பைத் தூண்டுவதும் உண்டு.

திரள் மக்களின் விடுதலைக்கும் வரலாற்றுக்கும் உள்ள உறவை யாராவது ஒருவர் எளிமையாக விளக்கி விட முடியும் என்று முன்வந்தால் அவரை ஆச்சரியத்தோடு தான் பார்க்கத் தோன்றுகிறது. அதற்கு மாறாக விடுதலைக்கும் வரலாற்றுக்கும் ஒட்டும் இல்லை; உறவும் இல்லை எனக் கூறி வரலாற்றை விலக்கி வைக்க முன் வந்தால் அவரையும் ஆச்சரியத்தோடு தான் பார்க்கத் தோன்றுகிறது. வரலாறு விளக்கவும் முடியாத - விலக்கவும் முடியாத -ஒன்றாக இருப்பது பேசுவதற்கான ஒன்றுதான்.