மாறும் அர்த்தங்களும் மாற்றப்படும் தகவல்கள்


 சமூக ஊடகங்களின் வரவால் ஒவ்வொரு துறையும் அவற்றின் முந்திய அடையாளத்தை இழந்துவிட்டன. அந்தந்தத் துறைகளுக்கான நுட்பங்கள், திறன்கள், வெளிப்பாட்டு உத்திகள் எல்லாம் சிதைக்கப்பட்டு விட்டன. சராசரித் தன்மையே மேன்மையானதாகக் காட்டிக்கொள்கின்றன. அவற்றைக் கொண்டாடும் மனநிலைகள் மேலோங்கி நிற்கின்றன.

இந்தப் போக்கின் முழுமையான வெளிப்பாட்டை நடந்து முடிந்த சட்டமன்றத் தேர்தலுக்குப் பிந்திய தமிழக அரசியல் தளம் வெளிச்சம் போட்டுக் காட்டிக்கொண்டிருக்கின்றது. தமிழகச் சட்டமன்ற நிகழ்வுகளின் நேரலைக் காட்சிகள் கூடச் சமூக ஊடகங்களின் தேவைக்கான பண்டமாகவும் சரக்குகளாகவும் ஆகிவிட்டன. தனித்திறன்கள் தேவையில்லை என்பதைத் தாண்டி, உண்மை, பொய், சரி, தவறு என்றெல்லாம் பிரித்துப் பேசுவது அபத்தம் என்றாகிவிட்டன.

அரசியல் தளத்தில் வெளிப்படும் இத்தகைய போக்கு கலை,இலக்கியம் சார்ந்த நிகழ்வுகளில் 10 ஆண்டுகளாகவே நிகழ்ந்து வருகின்றன. கருத்தரங்குகள், புத்தகவெளியீடுகள், பயிற்சிப்பட்டறைகள் என ஒவ்வொன்றிலும் வெளிப்பட்ட திறனாய்வுப்பார்வைகளும் மதிப்பீட்டு முறைகளும் முற்றாக மறைந்துவிட்டன. குடும்ப விழாக்களில் பங்கேற்று விருந்துண்டு திரும்பும் மனநிலையில் எழுத்தாளர்கள் பங்கேற்கின்றார்கள். இந்தப் பங்கேற்பில் வெளிப்படுவது ஒருவித நிலமானியப் பண்பாட்டு மனநிலை. அப்படியில்லையென்றால், வெவ்வேறு இடங்களிலிருந்து நண்பர்களாக - குழுவாகச் சேர்ந்து புதிய ஊருக்குச் சென்று கூடிப்பிரியும் சுற்றுலா மனோபாவங்கள் உருவாக்கப்படுகின்றன. இவற்றில் வெளிப்படுவது வணிக மனநிலை.

நவீன இலக்கியமும் திறனாய்வும் நிலமானிய மனநிலைக்கும் வணிகப் பண்பாட்டுக்கும் எதிரானவை என்ற சொல்லாடல்கள் எல்லாம் தொலைந்து போய்விட்டன. நமது காலமும் நமது கருத்துகளும் திருடுபோய்க்கொண்டிருக்கின்றன.

இன்று வாசித்த ஒரு கவிதை
------------------------------------
மேடை நாடகம் ஒன்றில்
சாமியார் வேடம் போட்ட ஒருவர்
இடைவேளையின் போது
வெளியே வந்து
புகைபிடித்தார்
" இமயமலையிலிருந்து இன்று
காலை
இறங்கிவந்த சாமியார் இவர்தான்"
யாரோ புரளியைக் கிளப்பிவிட
அடுத்த ஐந்து நிமிடத்தில்
மூன்றுபேர் காலில் விழுந்தார்கள்
இரண்டுபேர்
ஜாதகத்தைக் காட்டினார்கள்
தாடியுடன் வந்த ஒருத்தன்
"சாமி என் ஷாலினி
எனக்கு மீண்டும் கிடைப்பாளா?"
கண்ணீருடன் கேட்டான்.
"மனுசனைக் கொஞ்ச நேரம்
நிம்மதியா
தம் அடிக்க விடுங்கப்பா"
புலம்பிக்கொண்டே
மீண்டும்
மேடைக்கு சென்றார் சாமியார்.
=========================
கஜன்/ அம்ருதா/ செப்டம்பர், 2026

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

நாயக்கர் காலத்தில் தமிழுணர்வு

படம்
தமிழக வரலாற்றைக் கவனித்தால் தமிழ் உணர்வு, தமிழ்ப்பற்று என்ற வடிவங்களில் தமிழ்மொழி சமூகத்தன்மை பெற்று, சில காலங்களில் உயர்ந்த குரலிலும், சிலபோது தாழ்ந்த குரலிலும் ஒலித்து வந்துள்ளது என்பதை உணர முடிகின்றது. தமிழகத்தில் கி.பி. 1529 இல் தொடங்கி 1732இல் முடிவுற்ற காலப்பகுதியில் ஆட்சியாளர்களாக இருந்த நாயக்கர்களின் காலத்தில் எழுதப்பட்ட தமிழுணர்வின் அரசியல், சமூக, பொருளாதாரக் காரணங்களை ஆய்வு செய்வதன் மூலம், இத்தகைய குரல்களின் நோக்கத்தினையும் விளைவுகளையும் கண்டறிய முடியும். இந்நோக்கத்திற்கு அக்கால இலக்கியங்கள் தவிர்ந்த பிறவரலாற்று மூலங்களும் உதவக் கூடும் என்றாலும் பண்பாட்டுத்துறைகளில் ஏற்படும் நிகழ்வுகளை இலக்கியம் தற்போக்கில் படம் பிடிக்கக் கூடிய கருவியாக இருந்து வந்துள்ளது என்பது உண்மை.
முழுவதும் படிக்க

இக்கால இலக்கியம் குறித்த பல்கலைக்கழக ஆய்வுகள்

இக்கால இலக்கியம், ஆய்வுக்கான பரப்பு என்பதாகப் பல்கலைக் கழகங்களால் ஏற்றுக் கொள்ளப்பட்டு மூன்று பத்தாண்டுகளைத் தாண்டி இருக்கிறது.தமிழகப் பல்கலைக் கழகங்களில், தமிழியலின் எல்லைகளை விரிவடையச் செய்ததில் முக்கியப் பங்காற்றியுள்ள மதுரைப் பல்கலைக் கழகமே -இன்றைய மதுரைக் காமராசர் பல்கலைக்கழகம்- இக்கால இலக்கியங்களைப் பாடங்களாக ஆக்கியதிலும், ஆய்வுப்பொருளாக ஆக்கியதிலும் முன்கை எடுத்தது. அதன் விளைவுகள் இன்று விரிந்துள்ளன; பரந்துள்ளன.
முழுவதும் படிக்க

திருக்குறளில் கடமைகளும் உரிமைகளும்

தனக்கான அடிப்படைத் தேவைகளான உணவு , உடை , உறையுள் ஆகியனவற்றைத் தேடுவதன் முகாந்திரமாகச் சமூக நிறுவனங்களை உருவாக்கிக் கொண்டது மனித சமூகம். அப்படி உருவாக்கிக் கொண்ட நிறுவனங்களுக்குள் மனிதர்கள் வாழ வேண்டும் என்று வலியுறுத்திக் கூறும் பனுவல்களை -அற நூல்களாக உருவாக்கித் தனது கருத்துக் கருவூலகமாகக் கொண்டன ஒவ்வொரு மொழிவழிச் சமுதாயமும். இப்படியான அறநூல்கள் ஒவ்வொரு மொழியின் இலக்கிய வரலாற்றிலும் தொடக்க காலத்தில் முக்கியமான இடத்தைப் பிடித்துக் கொண்டு கருத்துருவாக்கிகளாக விளங்கியுள்ளன.  தமிழ்மொழியைத்தங்கள் வெளிப்பாட்டுக் கருவியாகக் கொண்ட தமிழ்ச் சமூகத்தின் கருத்துப் பெட்டகமாக இருப்பது திருக்குறள்.
முழுவதும் படிக்க