தமிழ் சினிமா: தமிழ் பத்திரிகைகள் தமிழ் உயிரியின் கனவுலகக் கட்டமைவுகள்
இயக்குநா் ஷங்கரின் “ஜீன்ஸ்“ வெளியிடப்பட்டு எல்லா ஊா்களிலும் நூறு நாட்களைத் தாண்டி ஓடிக் கொண்டிருந்தது. படம் வெளியாகிப் பத்து நாட்களுக்குப் பின் நண்பா் ஒருவரிடம் “ஜீன்ஸ் பார்த்தாச்சா? என்று கேட்டேன். “படம் புட்டுக்கும் போல இருக்கே; பத்திரிகைகயெல்லாம் சரியா எழுதலியே?“ என்று சொன்னவா். “கதை வேணும்; கதையில் மெஸேஜ் இருக்கணும்; பாட்டுகளை மட்டும் நம்பிப் படம் எடுத்தா லாலா கடைக்கே அல்வாதான்“ என்று அடித்துப் பேசினார். நண்பா் படம் பாரத்து விட்டார் என்று நினைத்தேன். ஆனால், தொடா்ந்து பேசும் போது ஷங்கரோட “சோஷியல் டச் படத்தில் இல்லைன்னாலும், நாசரும் ராதிகாவும் பின்னயிருக்காங்களாம் அதுக்கும் மேல் 50 கிலோ, தாஜ்மகால் வேற…. ஒரு தடவை படத்த பார்த்திட வேண்டியதுதான்“ என்றார் இப்பொழுது அவா் படத்தைப் பார்க்கவில்லை என்பது உறுதியாயிற்று.