கதவு திறக்கட்டும்




” உறவுப்பாலம் -இலங்கைச் சிறுகதைகள்”” இப்படியொரு தொகுப்பைப் படித்துக் கொண்டிருக்கிறேன் மொத்தம் 25 சிறுகதைகள் (சிங்களமொழியிலிருந்து 8; தமிழிலிருந்து 7; ஆங்கிலத்திலிருந்து 10) தொகுக்கப்பட்டிருக்கின்றன. தொகுத்தவர் ராஜீவ் விஜேசின்ஹ. இவருக்கு இத்தொகுப்பை உருவாக்குவதற்குச் சிங்கள மொழிக் கதைகளுக்காக விஜிதா பெர்னாண்டோவும் தமிழ்க் கதைகளுக்காக விமரிசகர் கே.எஸ்.சிவக்குமரனும் உதவியிருக்கிறார்கள்.தமிழின் பிரதிநிதிகளாக டி.எஸ்.வரதராஜன், கே.சட்டநாதன், என்.எஸ், எம்.ராமையா, செ.யோகநாதன், தாமரைச்செல்வி, ஐயாதுரை சாந்தன், ரஞ்சகுமார் ஆகியோரின் கதைகள் இடம்பெற்றுள்ளன.

உலக இலக்கியங்கள் வரிசையில் 2014 இல் இத்தொகுப்பை வெளியிடப்பட்டிருக்கிறது நேஷனல் புக்டிரஸ்ட். பக்கத்து நாடொன்றின் இலக்கியப்போக்கை அறிய விரும்பும் வாசகர்களும் இலக்கிய மாணவர்களும் படிக்க வேண்டிய தொகுப்பு. வாய்ப்பு கிடைத்தால் எங்காவது பாடத்திட்டத்தில் சேர்க்கவேண்டும்.
இந்நூலில் இடம்பெற்றுள்ள அறிமுக உரையும் , கதாசிரியர்கள்/மொழிபெயர்ப்பாளர்கள் குறிப்புகளும் கவனிக்கத்தக்கனவாகவும் பின்பற்றத்தக்கனவாகவும் உள்ளன. குறிப்பாகத் தொகுப்பாளரின் அறிமுக உரை மிகுந்த பொறுப்புணர்வுடன் எழுதப்பட்டிருக்கிறது. அரசு நிறுவனங்களுக்காகத் தொகுப்புச் செய்வோர் பின்பற்ற வேண்டிய நடைமுறைகள் அவை. இந்தப் பொறுப்பைச் சாகித்திய அகாடெமிக்காகத் தொகுப்புச் செய்த தமிழ் எழுத்தாளர்கள் பலரும் தவறவிட்டிருக்கிறார்கள்.
இன்னொரு மொழிக்குள் போய்விட்டுத் திரும்பவும் தமிழுக்கு வரும்போது வட்டாரத்தமிழைப் பொதுத்தமிழில் மொழிபெயர்த்திருப்பதைப் படித்திருக்கிறேன். இதில் அதெல்லாம் நடக்கவில்லை. தமிழ்க் கதைகள் அப்படியே இணைக்கப்பட்டுள்ளன.
ஆங்கிலத்திற்குப் போய்விட்டுத் தமிழுக்கு வந்துள்ளன என்றாலும் சிங்களக்கதைகளை வாசிக்கும்போது மொழிபெயர்ப்பு லாவகமாக உள்ளது. 
மொழிபெயர்ப்பாளர் கண்ணையன் தட்சணாமூர்த்தி ஏற்கெனவே மொழிபெயர்ப்புகளைச் செய்தவர்.
இந்தியாவின் தேசியப்பண்பாடு, நமது அரசியலமைப்பு, புத்தாக்க வாழ்வியல் கல்வி, புரட்சி 1857.ஆகியனவும் அவரது மொழிபெயர்ப்பில் வந்தவை. இருவரும் இரண்டு தடவைதான் சந்தித்துக் கொண்டிருக்கிறோம்.
திருநெல்வேலி வானொலி நிகழ்ச்சித் தயாரிப்பாளர்

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

ராகுல் காந்தி என்னும் நிகழ்த்துக்கலைஞர்

படம்
ஒரு அரங்கியலாளனாகவும் அரசியல் விமர்சகனாகவும் ராகுல்காந்தியைத் தொடர்ந்து கவனிக்கிறேன். அரசியல் கட்சி ஒன்றின் முன்னணித் தலைவராக அவரது பேச்சுகள் அரசியல் சொல்லாடல்களாக இருக்கின்றன. அந்தச் சொல்லாடல்கள் இப்போதிருக்கும் ஆட்சியாளர்களின் இறுக்கமான சித்தாந்தம், செயல்பாடுகள், மறைமுக நோக்கங்கள், எதிர்மறைச் சிந்தனைகள் போன்றவற்றை விவாதிப்பதற்கு முன்னுரிமை கொடுத்து அம்பலப்படுத்துகின்றன. ஊழல், வாரிசு அரசியல் போன்றவற்றைப் பேசுவதற்கான திட்டங்களைத் தீட்டித்தரும் ராஷ்ட்ரீய ஸ்வயம் சேவக் அமைப்பையும், அதன் தலைமைப்பீடத்து மனிதர்களையும் நேரடியாகக் கைகாட்டுகின்றார். அப்படித்தான் அவரது பேச்சுகள் அமையவேண்டும் என்பதைத் திட்டமிட்டே செய்கின்றார்.
முழுவதும் படிக்க

நவீனத்துவமும் பாரதியும்

ஆங்கிலத்தில் மாடர்ன் (Modern), மாடர்னிட்டி (Modernity), மார்டனிசம்(Modernism) என மூன்று சொற்கள் பயன்பாட்டில் உள்ளன. இம்மூன்று சொற்களின் வேர்ச்சொல் மார்டன் (Modern) என்பதே என்றாலும் பயன்பாட்டு நிலையில் வேறுபாடுகள் உள்ளன. இம்மூன்று சொற்களையும் தமிழில் நவீனம், நவீனத்துவநிலை, நவீனத்துவம் என மொழிபெயர்ப்புச் செய்து பயன்படுத்தலாம். தமிழில் ஒவ்வொன்றும் தனித்தனியாகச் சரியாகப் பயன்படுத்தப்படுகிறதா? என்பது விவாதிக்கப்பட வேண்டியது.  நவீனம் என்பது அன்றாட வாழ்க்கையில் பெரிதும் பயன்பாட்டில் உள்ள சொல். நவீன நிலை என்பது எதிர்கொள்ளும் சிக்கல்கள் மற்றும் முடிவுகளின் மீது மனிதர்கள் காட்டும் நிலைபாட்டின் பக்கச் சார்பைக் குறிக்கும் சொல்லாக நடைமுறையில் இருக்கிறது. இம்மூன்றிலிருந்தும் விலகிக் குறிப்பிட்ட காலகட்டத்துக் கலை இலக்கிய விவாதங்களைக் குறிக்கும் சொல்லாக நவீனத்துவம் இருக்கிறது. அச்சொல்லின் வருகையும் செல்வாக்கும் மேற்குநாடுகளில் 19 ஆம் நூற்றாண்டின் பிற்பாதியிலும் 20 ஆம் நூற்றாண்டின் தொடக்க ஆண்டுகளிலும் கலை இலக்கியப்பரப்புகள் பலவற்றிலும் இருந்தது.
முழுவதும் படிக்க

தணிக்கைத்துறை அரசியல்

படம்
இப்படி எழுதுவதால் ஊழலை ஆதரிக்கிறேன் என்று எடுத்துக்கொள்ள வேண்டாம் என்ற முன்குறிப்போடு எழுதுகிறேன்: அரசு மற்றும் பொதுத்துறை நிறுவனங்களில் ஊழல்கள் குறித்து விரிவான தகவல்கள் வெளிவருகின்றன; விவாதங்கள் நடக்கின்றன; குற்றச்சாட்டுகள் - தண்டனைகள்- விடுவிப்புகள் என நீள்கின்றன. தொடர்ச்சியாக வெளிப்படும் இத்தகவல்களால் இந்தியா ஊழல் மலிந்த நாடு என்ற அடையாளத்தைப் பெற்றுக் கொண்டே இருக்கிறது.
முழுவதும் படிக்க